Фото: Известия

АҚШ Түркияға ультиматум қойды.

Уашингтон Анкараға Ресейдің С-400 зымыран жүйесін сатып алудан бас тартуға екі апта уақыт берді. СNBC телеарнасының мәліметінше, Түркия осы уақыт аралығында Мәскеумен арадағы келісімді бұзып, АҚШ-тың «Patriot» зымыран жүйесін сатып алуы тиіс. Өйтпеген жағдайда Уашингтон Анкараны F-35 ұшықтарын құрастыру және пайдалану бағдарламасынан шеттетеді. Бұдан бөлек ультиматум орындалмаған жағдайда АҚШ Түркияға санкция салуы мүмкін.

Бұған дейін Түркия президенті Режеп Тайып Ердоған Ресейден С-400 әуе қорғанысы жүйесін сатып алудан бас тартпайтындығын айтып, бірнеше мәрте мәлімдеме жасаған.

С-400 жүйесінің алғашқы даналары Түркияға шілде айында жеткізіледі. АҚШ ресейлік жүйе НАТО стандарттарына сәйкес келмейді деп есептейді.

"The Qazaq Times"