Armeniyada Paşinyan revolyuciyasınıñ ekinşi kezeñi bastaldı.

Mamır ayınıñ 20-ı küni tañğı sağat 8-30-dan bastap Armaniya halqı prem'er-ministr Nikol Paşinyannıñ bastamasımen sot ğimarattarınıñ aldına jinalıp, kireberis esikterdi jabuda.

18 mamır küni eks-prezident Robert Koçaryandı bosatuğa baylanıstı şığarılğan sot şeşiminen keyin, prem'er-ministr Nikol Paşinyan halıqtı jappay köşege şığuğa şaqırıp, öziniñ bwl bastamasın «revolyuciyanıñ ekinşi kezeñi» dep atağan.

Prezident Armen Sarkisyan elde bolıp jatqan sayasi jağdaylarğa baylanıstı mälimdeme jasadı.

«Armeniyada demokratiyalıq procester jüretindigi eşkimniñ kümänin tuğızbauı tiis. Armeniya Respublikasınıñ Konstituciyası boyınşa, bilik halıqtiki. Zañ şığaruşı, atqaruşı jäne sot organdarı halıqtıñ talap-tilekteri negizinde jwmıs isteui tiis. Osığan baylanıstı Armeniya halqın sayasi nemese azamattıq mansabına qaramastan Kostituciya men zañdı saqtauğa şaqıramın» - dedi Sarkisyan.

"The Qazaq Times"