1 naurızda Soltüstik Qazaqstan oblısınıñ äkimi Erik Swltanov aktivke öziniñ jaña orınbasarı Asqar Saqıpkereevti tanıstırdı. Bwl turalı oblıstıñ baspasöz qızmeti habarladı. 

 «Prezident Äkimşiliginiñ kelisimimen Asqar Jolamanwlı Saqıpkereevti özimniñ orınbasarım etip tağayındaymın», - dep tanıstırdı öñir basşısı.

Oblıs äkimi jaña orınbasarına jwmıs isteytin mindetter şeñberin belgilep berdi.

 «Ol ekonomika, jwmıspen qamtudı üylestiru men memlekettik bağdarlamalar, eñbek inspekciyası, dene şınıqtıru men sport salasına jetekşilik etetin boladı», - dedi Erik Swltanov.

Asqar Saqıpkereev osı tağayındauğa  deyin 2004 jıldan bastap  Soltüstik Qazaqstan oblısı jwmıspen qamtudı üylestiru jäne äleumettik bağdarlamalar basqarmasınıñ basşısı qızmetin atqardı.

Asqar Saqıpkereev Celinograd auıl şaruaşılığı institutın, Almatı politologiya jäne basqaru institutın, Qazaqstan-Resey universitetin  «agronom-ğalım», «sayasattanuşı», «qwqıqtanu bakalavrı» mamandıqtarı boyınşa bitirdi.

Eñbek jolın 1981 jılı Bulaev audanınıñ Qaraqoğa kenşarınıñ twqım ösiruşi agronomı bolıp bastadı.

Türli jıldarı Bulaev audandıq komsomol  komitetiniñ ekinşi, birinşi jäne Soltüstik Qazaqstan oblısı komitetiniñ hatşısı, sonday-aq, «Inter» şağın käsipornı direktorınıñ orınbasarı, ğılımi öndiristik eñbek birjasınıñ orınbasarı qızmetinde jwmıs istedi.

1994 - 2004 jıldarı aralığında  türli kommerciyalıq qwrılımdarda basşı lauazımın atqardı.

Soltüstik Qazaqstan oblısı jwmıspen qamtudı üylestiru jäne äleumettik bağdarlamalar basqarmasınıñ basşısı qızmetin uaqıtşa atqaru atalmış basqarma basşısınıñ orınbasarı Sergey YAkovenkoğa jükteldi.

“The Qazaq Times”