سولتۇستىك قازاقستان وبلىسى اكىمىنىڭ جاڭا ورىنباسارى تاعايىندالدى

1 ناۋرىزدا سولتۇستىك قازاقستان وبلىسىنىڭ اكىمى ەرىك سۇلتانوۆ اكتيۆكە ءوزىنىڭ جاڭا ورىنباسارى اسقار ساقىپكەرەەۆتى تانىستىردى. بۇل تۋرالى وبلىستىڭ ءباسپاسوز قىزمەتى حابارلادى. 

 «پرەزيدەنت اكىمشىلىگىنىڭ كەلىسىمىمەن اسقار جولامانۇلى ساقىپكەرەەۆتى ءوزىمنىڭ ورىنباسارىم ەتىپ تاعايىندايمىن»، - دەپ تانىستىردى ءوڭىر باسشىسى.

وبلىس اكىمى جاڭا ورىنباسارىنا جۇمىس ىستەيتىن مىندەتتەر شەڭبەرىن بەلگىلەپ بەردى.

 «ول ەكونوميكا، جۇمىسپەن قامتۋدى ۇيلەستىرۋ مەن مەملەكەتتىك باعدارلامالار، ەڭبەك ينسپەكتسياسى، دەنە شىنىقتىرۋ مەن سپورت سالاسىنا جەتەكشىلىك ەتەتىن بولادى»، - دەدى ەرىك سۇلتانوۆ.

اسقار ساقىپكەرەەۆ وسى تاعايىنداۋعا  دەيىن 2004 جىلدان باستاپ  سولتۇستiك قازاقستان وبلىسى جۇمىسپەن قامتۋدى ۇيلەستiرۋ جانە الەۋمەتتiك باعدارلامالار باسقارماسىنىڭ باسشىسى قىزمەتىن اتقاردى.

اسقار ساقىپكەرەەۆ تسەلينوگراد اۋىل شارۋاشىلىعى ينستيتۋتىن، الماتى پوليتولوگيا جانە باسقارۋ ينستيتۋتىن، قازاقستان-رەسەي ۋنيۆەرسيتەتiن  «اگرونوم-عالىم»، «ساياساتتانۋشى»، «قۇقىقتانۋ باكالاۆرى» ماماندىقتارى بويىنشا ءبىتىردى.

ەڭبەك جولىن 1981 جىلى بۋلاەۆ اۋدانىنىڭ قاراقوعا كەنشارىنىڭ تۇقىم ءوسىرۋشى اگرونومى بولىپ باستادى.

ءتۇرلى جىلدارى بۋلاەۆ اۋداندىق كومسومول  كوميتەتىنىڭ ەكىنشى، ءبىرىنشى جانە سولتۇستىك قازاقستان وبلىسى كوميتەتىنىڭ حاتشىسى، سونداي-اق، «ينتەر» شاعىن كاسىپورنى ديرەكتورىنىڭ ورىنباسارى، عىلىمي وندىرىستىك ەڭبەك بيرجاسىنىڭ ورىنباسارى قىزمەتىندە جۇمىس ىستەدى.

1994 - 2004 جىلدارى ارالىعىندا  تۇرلi كوممەرتسيالىق قۇرىلىمداردا باسشى لاۋازىمىن اتقاردى.

سولتۇستiك قازاقستان وبلىسى جۇمىسپەن قامتۋدى ۇيلەستiرۋ جانە الەۋمەتتiك باعدارلامالار باسقارماسىنىڭ باسشىسى قىزمەتىن ۋاقىتشا اتقارۋ اتالمىش باسقارما باسشىسىنىڭ ورىنباسارى سەرگەي ياكوۆەنكوعا جۇكتەلدى.

“The Qazaq Times”