Foto: http://silkroadnews.org

Mañğıstau oblısında Özbekstan Respublikasınıñ konsuldıq bölimi aşıladı. Bwl turalı İşki ister ministri Erlan Twrğımbaev habarladı.

Twrğımbaevtıñ aytuınşa, jeke basın kuälandıratın qwjattarsız twratın şeteldikterdiñ qwqıqtıq märtebesin retteu böligine qatıstı mäselelerde 2012 jılğı QR men ÖR Ükimetteri arasındağı readmissiya turalı kelisim normaları qoldanıladı. İşki ister ministrligi SİM arqılı qaytıp oraluğa arnalğan kuälikti resimdeumen baylanıstı mäselelerdi şeşu üşin Özbekstan Elşiliginen edäuir qaşıq öñir retinde Mañğıstau oblısında Özbekstan Respublikasınıñ ökildigin aşudı wsınğan. Osığan oray biıl Aqtau qalasında konsuldıq bölimin aşu turalı şeşim qabıldanğan.

Ayta keter jayt, osığan deyin mäjilis deputattarı Özbekstan men basqa elderden keletin eñbek migranttarınıñ mäselelerin şeşudi swrağan bolatın. Osı mäselege baylanıstı olar birneşe qwzırlı vedomstvoğa hat joldağan. Qazaqstanda 2014 jılı eñbek migranttarı üşin üy şaruaşılığında jwmıs isteuge rwqsat berildi. Alayda, bwl zañsız eñbek migranttarın azaytuğa kömekteskenimen, qwqıq bwzğan şeteldikter men azamattığı joq adamdardı elden mäjbürlep şığarudı retteude kemşilikter artqan. Al bwl mäselelerdi aldağı uaqıtta jaña konsuldıq şeşpek.

"The Qazaq Times"