فوتو: http://silkroadnews.org

ماڭعىستاۋ وبلىسىندا وزبەكستان رەسپۋبليكاسىنىڭ كونسۋلدىق ءبولىمى اشىلادى. بۇل تۋرالى ىشكى ىستەر ءمينيسترى ەرلان تۇرعىمباەۆ حابارلادى.

تۇرعىمباەۆتىڭ ايتۋىنشا، جەكە باسىن كۋالاندىراتىن قۇجاتتارسىز تۇراتىن شەتەلدىكتەردىڭ قۇقىقتىق مارتەبەسىن رەتتەۋ بولىگىنە قاتىستى ماسەلەلەردە 2012 جىلعى قر مەن ءور ۇكىمەتتەرى اراسىنداعى رەادميسسيا تۋرالى كەلىسىم نورمالارى قولدانىلادى. ىشكى ىستەر مينيسترلىگى ءسىم ارقىلى قايتىپ ورالۋعا ارنالعان كۋالىكتى رەسىمدەۋمەن بايلانىستى ماسەلەلەردى شەشۋ ءۇشىن وزبەكستان ەلشىلىگىنەن ەداۋىر قاشىق ءوڭىر رەتىندە ماڭعىستاۋ وبلىسىندا وزبەكستان رەسپۋبليكاسىنىڭ وكىلدىگىن اشۋدى ۇسىنعان. وسىعان وراي بيىل اقتاۋ قالاسىندا كونسۋلدىق ءبولىمىن اشۋ تۋرالى شەشىم قابىلدانعان.

ايتا كەتەر جايت، وسىعان دەيىن ءماجىلىس دەپۋتاتتارى وزبەكستان مەن باسقا ەلدەردەن كەلەتىن ەڭبەك ميگرانتتارىنىڭ ماسەلەلەرىن شەشۋدى سۇراعان بولاتىن. وسى ماسەلەگە بايلانىستى ولار بىرنەشە قۇزىرلى ۆەدومستۆوعا حات جولداعان. قازاقستاندا 2014 جىلى ەڭبەك ميگرانتتارى ءۇشىن ءۇي شارۋاشىلىعىندا جۇمىس ىستەۋگە رۇقسات بەرىلدى. الايدا، بۇل زاڭسىز ەڭبەك ميگرانتتارىن ازايتۋعا كومەكتەسكەنىمەن، قۇقىق بۇزعان شەتەلدىكتەر مەن ازاماتتىعى جوق ادامداردى ەلدەن ماجبۇرلەپ شىعارۋدى رەتتەۋدە كەمشىلىكتەر ارتقان. ال بۇل ماسەلەلەردى الداعى ۋاقىتتا جاڭا كونسۋلدىق شەشپەك.

"The Qazaq Times"