AQŞ memlekettik hatşısı Maykl Pompeo Mäskeuge saparın keyinge qaldırdı.

"Reuters" aqparat agenttiginiñ mälimetinşe, Maykl Pompeo mamır ayınıñ 13-i küni Resey astanası Mäskeu qalasına saparlay baruı tiis bolğan. Biraq ol bwl saparın keyinge qaldırıp, Bryussel'ge at basın bwrğan. Bwnda Pompeo Euroodaq elderimen Iran mäselesin talqılaydı dep josparlanuda.

Bwğan deyin BAQ betterinde AQŞ memlekettik hatşısınıñ mamır ayınıñ 12-14 künderi aralığında Mäskeu men Soçi qalasına resmi issaparmen barıp, Resey prezidenti Vladimir Putin men SİM Sergey Lavrovpen kezdesedi degen aqparat tarağan. Kezdesu barısında taraptar Ukraina dağdarısı, Venesueladağı jağday jäne qaru-jaraq baqılauı jöninde kelissözder jürgizui tiis bolğan.

AQŞ Memlekettik departamenti baspasöz qızmetiniñ mälimetinşe, Pompeo Putin jäne Lavrovpen 14 mamır küni Soçi qalasında kezdesedi.

"The Qazaq Times"