Türkiyada saylau dauı jalğasuda.

«Anadolu» aqparat agenttiginiñ mälimetinşe, Türkiya joğarı saylau komissiyası Stambwl qalasınıñ äkimin saylau qorıtındısın zañsız dep tanıp, qayta saylau künin mausım ayınıñ 23-ine belgilegen. JSK öziniñ bwl şeşimin saylau uçaskelerinde qızmet istegen personal men baqılauşılardıñ basım köpşiligi memlekettik qızmetker bolmağandığımen tüsindirgen. Zañ boyınşa, baqılauşılar memlekettik qızmetker boluı tiis.

NTV telearnasınıñ habarlauınşa, joğarı saylau komissiyasınıñ on bir müşesiniñ jeteui qayta saylau ötkizudi qoldap, törteui qarsı dauıs bergen.

Naurız ayınıñ 31-i küni ötken saylauda Stambwl qalası boyınşa oppoziciyalıq partiya ökili Ekrem Imamoğlı jeñgen. Bilik basındağı Ädilet jäne damu partiyası municipaldıq saylau qorıtındısı boyınşa, Ankara men Stambwl qalasında oppoziciya ökilderinen jeñilip, qalğan aymaqtardıñ barlığında jeñiske jetken.

Saylau qorıtındısına say Stambwl qalasınıñ merı bolıp saylanğan Ekrem Imamoğlı Joğarı saylau komissiyasınıñ şığarğan şeşimine baylanıstı: « Prezident Erdoğannıñ basqaruındağı Ädilet jäne damu partiyası meniñ jeñisimdi tartıp almaq. Biraq men soñına deyin küresemin» dep mälimdedi.

Stambwl qalasınıñ Beşiktaş, Ferikey, Kadıkey  jäne Şişli audandarınıñ halqı üyleriniñ terezelerin aşıp qoyıp, dastarhandı kastyul'men wru arqılı JSK şeşimine qarsılıqtarın bildirgen. Däl osınday qarsılıq akciyası 2013 jılı bilik ökilderi Stambwldağı Gezi sayabağın bwzatındıqtarın mälimdegende bolğan. Sol uaqıtta jurnalister qarsılıq akciyasın "kastryul' revolyuciyası" dep atağan.

"The Qazaq Times"