تۇركيادا سايلاۋ داۋى جالعاسۋدا.

«Anadolu» اقپارات اگەنتتىگىنىڭ مالىمەتىنشە، تۇركيا جوعارى سايلاۋ كوميسسياسى ستامبۇل قالاسىنىڭ اكىمىن سايلاۋ قورىتىندىسىن زاڭسىز دەپ تانىپ، قايتا سايلاۋ كۇنىن ماۋسىم ايىنىڭ 23-ىنە بەلگىلەگەن. جسك ءوزىنىڭ بۇل شەشىمىن سايلاۋ ۋچاسكەلەرىندە قىزمەت ىستەگەن پەرسونال مەن باقىلاۋشىلاردىڭ باسىم كوپشىلىگى مەملەكەتتىك قىزمەتكەر بولماعاندىعىمەن تۇسىندىرگەن. زاڭ بويىنشا، باقىلاۋشىلار مەملەكەتتىك قىزمەتكەر بولۋى ءتيىس.

NTV تەلەارناسىنىڭ حابارلاۋىنشا، جوعارى سايلاۋ كوميسسياسىنىڭ ون ءبىر مۇشەسىنىڭ جەتەۋى قايتا سايلاۋ وتكىزۋدى قولداپ، تورتەۋى قارسى داۋىس بەرگەن.

ناۋرىز ايىنىڭ 31-ءى كۇنى وتكەن سايلاۋدا ستامبۇل قالاسى بويىنشا وپپوزيتسيالىق پارتيا وكىلى ەكرەم يماموعلى جەڭگەن. بيلىك باسىنداعى ادىلەت جانە دامۋ پارتياسى مۋنيتسيپالدىق سايلاۋ قورىتىندىسى بويىنشا، انكارا مەن ستامبۇل قالاسىندا وپپوزيتسيا وكىلدەرىنەن جەڭىلىپ، قالعان ايماقتاردىڭ بارلىعىندا جەڭىسكە جەتكەن.

سايلاۋ قورىتىندىسىنا ساي ستامبۇل قالاسىنىڭ مەرى بولىپ سايلانعان ەكرەم يماموعلى جوعارى سايلاۋ كوميسسياسىنىڭ شىعارعان شەشىمىنە بايلانىستى: « پرەزيدەنت ەردوعاننىڭ باسقارۋىنداعى ادىلەت جانە دامۋ پارتياسى مەنىڭ جەڭىسىمدى تارتىپ الماق. بىراق مەن سوڭىنا دەيىن كۇرەسەمىن» دەپ مالىمدەدى.

ستامبۇل قالاسىنىڭ بەشيكتاش، فەريكيوي، كادىكەي  جانە شيشلي اۋداندارىنىڭ حالقى ۇيلەرىنىڭ تەرەزەلەرىن اشىپ قويىپ، داستارحاندى كاستيۋلمەن ۇرۋ ارقىلى جسك شەشىمىنە قارسىلىقتارىن بىلدىرگەن. ءدال وسىنداي قارسىلىق اكتسياسى 2013 جىلى بيلىك وكىلدەرى ستامبۇلداعى گەزي ساياباعىن بۇزاتىندىقتارىن مالىمدەگەندە بولعان. سول ۋاقىتتا جۋرناليستەر قارسىلىق اكتسياسىن "كاستريۋل رەۆوليۋتسياسى" دەپ اتاعان.

"The Qazaq Times"