«Älem tınıştığı AQŞ – Resey qarım-qatınasına baylanıstı»

Reseydiñ AQŞ-tağı elşisi Anatoliy Antonov VVS-ge swhbat berip, Tramp sankciyalarınıñ Mäskeu men Uaşington qarım-qatınasına ıqpalı, Kongrestegi Robert Myullerdiñ bayandaması, Resey men Qıtaydıñ qatısuımen yadrolıq qarudı şekteu turalı jaña şarttıñ jüzege asuı sındı taqırıptar ayasında äñgime örbitken.

Antonov swhbatında yadrolıq kelisimşart mäselesiniñ birjaqtı qoldau tappaytındığın jäne Resey ekonomikalıq, yadrolıq, diplomatiyalıq qarım-qatınasta Amerikamen tığız baylanıs jasauğa müddeli ekendigin aytqan. Endigi kezekte Resey elşisiniñ pikirine zer salsaq.

«Elşi retinde men ärdayım negizgi bir jayttı atap körseter edim: jetekşi yadrolıq memleket köşbasşılarınıñ strategiyalıq qauipsizdik mäselelerin talqılauı öte mañızdı. Olardıñ qanşalıqtı jii söylesui älem halqınıñ sonşalıqtı tınış wyıqtaytının bildiredi. YAğni älem tınıştığı AQŞ pen Resey qarım-qatınasına baylanıstı. Degenmen, Amerika – Resey qarım-qatınası uşığa tüsken sayın, prezidentter jii söylespeytin boldı.

Myullerdiñ Kongreste jasağan bayandaması – Resey men AQŞ qarım-qatınasın uşıqtırudıñ birden-bir ädisi. Biz ärqaşan jaqsı baylanıstardı qoldaymız. Atap aytqanda, Resey Qauipsizdik keñesiniñ basşısı Nikolay Platonoviç Patruşev Tramptıñ wlttıq qauipsizdik jönindegi keñesşisi Djon Boltonmen birneşe ret kezdesti  Jaqında Uaşingtonğa SİM basşısınıñ orınbasarı Igor' Morgulov jäne Resey prezidentiniñ Auğanstandağı arnayı ökili Zamir Kabulov keldi. Olar KHDR, Auğanstan mäselelerin birge talqıladı.

Resey tarapı Uaşingtonda jii aytılatın köptegen ayıptaularğa qaramastan, Süriya boyınşa mañızdı äskeri baylanıstardı saqtauğa nietti. Bizdiñ jauınger-armiya generalı, Resey Bas ştabınıñ basşısı Valeriy Gerasimov jäne general, AQŞ Ştabtar bastıqtarı birikken komitetiniñ törağası Djozef Danford Süriyadağı jağday turasında kezdesuler ötkizip twradı. Barşañızğa belgili, V.Putinniñ Hel'sinkidegi birlesken baspasöz mäslihatında aytqan köptegen ideyaları iske asırılmağan. Sol sebepti, men barlıq jospardı qaytadan jasay alatınımızğa senimdimin.

Bügingi küni SNV-3 şartınıñ nemen ayaqtalatındığı şeşilgen joq. Bizde amerikalıqtar tarapınan osı şarttıñ keybir erejeleri qalay jüzege asırılıp jatqandığına qatıstı problemalar bar. Jaña şart turalı kelissözderdiñ formatı eşteñe şeşpeydi. Sarapşı retinde aytarım, yadrolıq qarusızdanu boyınşa eşqanday köpjaqtı uağdalastıq resmi tanılğan bes yadrolıq derjavanıñ (AQŞ, Wlıbritaniya, Franciya, Qıtay, Resey) qatısuınsız jüzege aspaydı. Qos tarapqa käsibi kezdesu asa qajet. Kelisimşart ayasında eki jaqtı konsul'tativtik komissiya jwmıs isteydi, onda osı şartqa qatıstı barlıq mäseleler şeşiledi. Kezdesu Jenevada ötedi, biraq bwl turalı köp aytpaymız. Keybir nätijeni jariyalau üşin köp jwmıs isteu kerek».

"The Qazaq Times"