Körneki suret. Foto: http://infotransauto

9 mausımda ötetin kezekten tıs prezidenttik saylau halıqaralıq wyımdar men jurnalister tarapınan qadağalanatın boladı. Osı rette QR Ortalıq saylau komissiyası xalıqaralıq wyımdardıñ bayqauşıların akkreditaciyadan ötkizu turalı qaulını qabıldadı.

«Qazaqstan Respublikasındağı saylau turalı» Konstituciyalıq zañnıñ 20-2 babına säykes, xalıqaralıq wyımdar bayqauşıların jäne şeteldik jurnalisterdi akkreditaciyadan ötkizu şaraları QR Sırtqı ister ministrliginiñ wsınısı negizinde jasalmaq. Resmi mälimetter boyınşa, büginge deyin şetel tilşilerinen Qazaqstandağı saylauğa qatısu boyınşa 53 ötinim tüsken. Qazirgi uaqıtta ministrlikte 28 bwqaralıq aqparat qwralınıñ 94 jurnalisi akkreditaciyadan ötti. Olardıñ qatarında TMD bayqauşılar missiyasınan 7 adam, TMD Parlamentaralıq Assambleyasınan 22 adam, EQIW Demokratiyalıq instituttar jäne adam qwqıqtarı jönindegi byurodan 12 adam, Islam ıntımaqtastıq wyımınıñ missiyası atınan keletin 4 bayqauşı bar.

Ortalıq saylau komissiyası bayqauşılar missiyaların bastap keletin adamdardıñ tizimi de belgili boldı.  Europadağı qauipsizdik jäne ıntımaqtastıq wyımınıñ Demokratiyalıq instituttar jäne adam qwqıqtarı jönindegi byurosınıñ bayqauşılar tobın Pol'şanıñ Europa keñesindegi bwrınğı elşisi Urşula Gacek, Şanxay ıntımaqtastıq wyımınıñ bayqauşıların osı wyımnıñ Bas xatşısı Vladimir Norov, TMD-nıñ bayqauşılar missiyasın osı wyımnıñ Parlamentaralıq Assambleyasınıñ bayqauşıların Bas xatşısı, Assambleya keñesi xatşılığınıñ basşısı Dmitriy Kobickiy, TMD atqaruşı komitetiniñ törağası Sergey Lebedev, Islam ıntımaqtastıq wyımınıñ bayqauşılar tobın wyımnıñ sayasi mäseleler jönindegi departament direktorı Maxmud Al' Raisi bastap keledi.

Eske sala keteyik, 9 säuirde memleket basşısı Qasım-Jomart Toqaev Qazaqstan halqına ündeu joldağan bolatın. Ündeude ol kezekten tıs prezident saylauı 2019 jıldıñ 9 mausımda ötetindigin mälimdedi.

"The Qazaq Times"