كورنەكى سۋرەت. فوتو: http://infotransauto

9 ماۋسىمدا وتەتىن كەزەكتەن تىس پرەزيدەنتتىك سايلاۋ حالىقارالىق ۇيىمدار مەن جۋرناليستەر تاراپىنان قاداعالاناتىن بولادى. وسى رەتتە قر ورتالىق سايلاۋ كوميسسياسى xالىقارالىق ۇيىمداردىڭ بايقاۋشىلارىن اككرەديتاتسيادان وتكىزۋ تۋرالى قاۋلىنى قابىلدادى.

«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 20-2 بابىنا سايكەس، xالىقارالىق ۇيىمدار بايقاۋشىلارىن جانە شەتەلدىك جۋرناليستەردى اككرەديتاتسيادان وتكىزۋ شارالارى قر سىرتقى ىستەر مينيسترلىگىنىڭ ۇسىنىسى نەگىزىندە جاسالماق. رەسمي مالىمەتتەر بويىنشا، بۇگىنگە دەيىن شەتەل تىلشىلەرىنەن قازاقستانداعى سايلاۋعا قاتىسۋ بويىنشا 53 ءوتىنىم تۇسكەن. قازىرگى ۋاقىتتا مينيسترلىكتە 28 بۇقارالىق اقپارات قۇرالىنىڭ 94 ءجۋرناليسى اككرەديتاتسيادان ءوتتى. ولاردىڭ قاتارىندا تمد بايقاۋشىلار ميسسياسىنان 7 ادام، تمد پارلامەنتارالىق اسسامبلەياسىنان 22 ادام، ەقىۇ دەموكراتيالىق ينستيتۋتتار جانە ادام قۇقىقتارى جونىندەگى بيۋرودان 12 ادام، يسلام ىنتىماقتاستىق ۇيىمىنىڭ ميسسياسى اتىنان كەلەتىن 4 بايقاۋشى بار.

ورتالىق سايلاۋ كوميسسياسى بايقاۋشىلار ميسسيالارىن باستاپ كەلەتىن ادامداردىڭ ءتىزىمى دە بەلگىلى بولدى.  ەۋروپاداعى قاۋىپسىزدىك جانە ىنتىماقتاستىق ۇيىمىنىڭ دەموكراتيالىق ينستيتۋتتار جانە ادام قۇقىقتارى جونىندەگى بيۋروسىنىڭ بايقاۋشىلار توبىن پولشانىڭ ەۋروپا كەڭەسىندەگى بۇرىنعى ەلشىسى ۋرشۋلا گاتسەك، شانxاي ىنتىماقتاستىق ۇيىمىنىڭ بايقاۋشىلارىن وسى ۇيىمنىڭ باس xاتشىسى ۆلاديمير نوروۆ، تمد-نىڭ بايقاۋشىلار ميسسياسىن وسى ۇيىمنىڭ پارلامەنتارالىق اسسامبلەياسىنىڭ بايقاۋشىلارىن باس xاتشىسى، اسسامبلەيا كەڭەسى xاتشىلىعىنىڭ باسشىسى دميتري كوبيتسكي، تمد اتقارۋشى كوميتەتىنىڭ توراعاسى سەرگەي لەبەدەۆ، يسلام ىنتىماقتاستىق ۇيىمىنىڭ بايقاۋشىلار توبىن ۇيىمنىڭ ساياسي ماسەلەلەر جونىندەگى دەپارتامەنت ديرەكتورى ماxمۋد ال رايسي باستاپ كەلەدى.

ەسكە سالا كەتەيىك، 9 ساۋىردە مەملەكەت باسشىسى قاسىم-جومارت توقاەۆ قازاقستان حالقىنا ۇندەۋ جولداعان بولاتىن. ۇندەۋدە ول كەزەكتەن تىس پرەزيدەنت سايلاۋى 2019 جىلدىڭ 9 ماۋسىمدا وتەتىندىگىن مالىمدەدى.

"The Qazaq Times"