Foto: https://mtdata.ru

Eñbek merekesi qarsañında Germaniya men Franciyada jergilikti halıq bilikke qarsı demonstraciya ötkizdi.

Handelsblatt basılımınıñ habarlauınşa, şeruge antifaşistter, vegan qoğamınıñ ökilderi, käsipodaq müşeleri, klimattı qorğauşılar sındı toptar qatısqan. Şeru Germaniyanıñ Gamburg, Duysburg, Drezden, Berlin qalalarında ötti. Narazı top bilikten qoljetimdi baspana, eñbek jağdayı men qorşağan ortanıñ lastanuı mäselelerin şeşudi talap etti. Halıqtıñ basım böligi aldağı uaqıtta ötetin Europarlamenttegi saylau eldegi bastı mäselelerdi şeşedi dep ümittenip otır.

Kezekti şeru Franciyada da ötip, oğan käsipodaq wyımınıñ basşıları men jwmısşılar qatıstı. Eñ auqımdı şeru Parijde bastalğandıqtan, qauipsizdikti qamtamasız etu üşin jeti mıñnan astam äskeri qızmetker jwmıldırıldı. Degenmen, «sarı jeydeliler» tobı policiyağa şabuıl jasap, saldarınan iri qaqtığıs orın aldı.

Eki memlekette de beybit türde bastalğan şeru tärtipsizdikke wlasqandıqtan, birneşe adam tergeuge alındı. Şeru kezinde policiya köz jasauratatın gaz qoldansa, qarımta jauap retinde şeruşiler granatalar laqtırğan.

"The Qazaq Times"