گەرمانيا مەن فرانتسيا حالقى جاپپاي شەرۋگە شىقتى

ەڭبەك مەرەكەسى قارساڭىندا گەرمانيا مەن فرانتسيادا جەرگىلىكتى حالىق بيلىككە قارسى دەمونستراتسيا وتكىزدى.

Handelsblatt باسىلىمىنىڭ حابارلاۋىنشا، شەرۋگە انتيفاشيستتەر، ۆەگان قوعامىنىڭ وكىلدەرى، كاسىپوداق مۇشەلەرى، كليماتتى قورعاۋشىلار سىندى توپتار قاتىسقان. شەرۋ گەرمانيانىڭ گامبۋرگ، دۋيسبۋرگ، درەزدەن، بەرلين قالالارىندا ءوتتى. نارازى توپ بيلىكتەن قولجەتىمدى باسپانا، ەڭبەك جاعدايى مەن قورشاعان ورتانىڭ لاستانۋى ماسەلەلەرىن شەشۋدى تالاپ ەتتى. حالىقتىڭ باسىم بولىگى الداعى ۋاقىتتا وتەتىن ەۋروپارلامەنتتەگى سايلاۋ ەلدەگى باستى ماسەلەلەردى شەشەدى دەپ ۇمىتتەنىپ وتىر.

كەزەكتى شەرۋ فرانتسيادا دا ءوتىپ، وعان كاسىپوداق ۇيىمىنىڭ باسشىلارى مەن جۇمىسشىلار قاتىستى. ەڭ اۋقىمدى شەرۋ پاريجدە باستالعاندىقتان، قاۋىپسىزدىكتى قامتاماسىز ەتۋ ءۇشىن جەتى مىڭنان استام اسكەري قىزمەتكەر جۇمىلدىرىلدى. دەگەنمەن، «سارى جەيدەلىلەر» توبى پوليتسياعا شابۋىل جاساپ، سالدارىنان ءىرى قاقتىعىس ورىن الدى.

ەكى مەملەكەتتە دە بەيبىت تۇردە باستالعان شەرۋ تارتىپسىزدىككە ۇلاسقاندىقتان، بىرنەشە ادام تەرگەۋگە الىندى. شەرۋ كەزىندە پوليتسيا كوز جاساۋراتاتىن گاز قولدانسا، قارىمتا جاۋاپ رەتىندە شەرۋشىلەر گراناتالار لاقتىرعان.

"The Qazaq Times"