Vladimir Zelenskiy Ukraina prezidenti atandı

Ukrainanıñ ortalıq saylau komissiyası dauıs berudiñ resmi qorıtındısın jariyaladı.

Nätijesinde Vladimir Zelenskiy Ukraina prezidenti atandı. Ekinşi kezeñde şoumen dauıs beruşilerdiñ 73,22% qoldauına ie bolğan. Al onıñ qarsılası, eldiñ qazirgi basşısı Petr Poroşenkoğa 24,45% twrğın dauıs bergen.

Saylaudıñ ekinşi turı 21 säuirde ötti. Dauıs beruge el halqınıñ 61,3% -ı qatıstı. Osığan deyin yağni 19 säuirde Kievte prezidenttikke kandidattar arasında debat ötken bolatın. Debatta Vladimir Zelenskiy 2014 jılı Poroşenko üşin dauıs bergenin, biraq bwl qadamnıñ qate ekendigin ayttı: «Biz siz üşin dauıs berdik. Alayda, Poroşenkonıñ eki beynesi bar edi. Biz qoldağan Poroşenko «Putin, men sağan körsetemin. Resey – agressor» – dedi. Al ekinşi beyneñiz jasırın türde Medvedçuk mırza arqılı Mäskeuge sälemdeme jiberip otırdı. Men sizdiñ qatelikter men uädeleriñizdiñ nätijesimin», – degen bolatın.

Jaña prezidenttiñ inauguraciyası Joğarğı rada (parlament) belgilegen küni ötkiziledi. Zañ boyınşa inauguraciya saylaudıñ resmi nätijesi jariyalanğan soñ 30 kün işinde ötkiziledi.

Ayta keteyik, 41 jastağı Vladimir Zelenskiy – akter, şoumen, prodyuser jäne «Kvartal-95» studiyasınıñ jetekşisi. Prezidenttikke kandidat bolardan bwrın sayasatta jürmegen, bwrın-soñdı memlekettik lauazımda bolmağan.

"The Qazaq Times"