Vladimir Zelenskiy. Foto: eadaily.com

Ukraina TMD ayasında qol qoyılğan Azamattıq aviaciya jäne äue keñistigin paydalanu turalı kelisimnen şıqtı.

Resmi qwjatta: «Prezident Vladimir Zelenskiy Ukrainanıñ Täuelsiz memleketter dostastığı şeñberinde jasalğan halıqaralıq şarttardan şığu turalı № 70/2021 Jarlıqqa qol qoydı», – delingen. YAğni Ukraina 1991 jılı 25 jeltoqsanda qol qoyılğan Azamattıq aviaciya jäne äue keñistigin paydalanu turalı kelisimnen jäne 1992 jılı 15 mamırdan küşine engen äue keñistigin paydalanu turalı kelisimnen şıqqan.

2014 jılı aqpandağı Ukrainadağı töñkeristen keyin eldiñ jaña basşılığı TMD-dağı kelisimşarttardı bwzu procesi bastaldı dedi.

2018 jılı tamızda Ukrainanıñ sol kezdegi prezidenti Petr Poroşenko ükimetke TMD-nıñ barlıq qwrıltay organdarınan resmi türde şığu räsimin bastaudı tapsırğan. Ol sonday-aq «Ukrainanıñ wlttıq müddesine tittey bolsa da qayşı keletin wyım ayasındağı kez kelgen halıqaralıq şarttan şığatının» mälimdegen.

2019 jılı Ukraina Sovet kezinde jasalğan qwpiya önertabıstar turalı aqparattı jariya etpeu turalı qwjat pen Ekonomikalıq odaqtıñ ortaq statistikalıq bazasın qwru kelisiminen şıqqan.

Alğaşqı qwjatqa 1999 jılı 4 mausımda Resey, Ukraina, Belarus', Armeniya, Gruziya, Qazaqstan, Qırğızstan, Moldova, Täjikstan men Özbekstan qol qoyğan. Elder «SSSR kezinde jasalğan qwpiya önertabıstar jaylı özderinde bar derekterdi jariya etpeuge» kelisken.

Kelisimnen şığu ideyasın kötergen Ukraina ekonomikalıq damu ministrligi qwjattıñ eskirgenin aytıp, «kelisimder TMD-ğa kiretin elderdiñ qazirgi qarım-qatınasına say kelmeydi» dep mälimdegen.

Ekinşi kelisim 1995 jıldıñ 10 aqpanınan beri qoldanısta bolğan. Qwjatta TMD statistikalıq komitetin qwru jäne memleketter arasında derekter almasu üşin ekonomikalıq odaqtıñ jalpı statistikalıq bazasın jürgizu qarastırılğan.

 

"The Qazaq Times"