ۋكراينانىڭ ورتالىق سايلاۋ كوميسسياسى داۋىس بەرۋدىڭ رەسمي قورىتىندىسىن جاريالادى.
ناتيجەسىندە ۆلاديمير زەلەنسكي ۋكراينا پرەزيدەنتى اتاندى. ەكىنشى كەزەڭدە شوۋمەن داۋىس بەرۋشىلەردىڭ 73,22% قولداۋىنا يە بولعان. ال ونىڭ قارسىلاسى، ەلدىڭ قازىرگى باسشىسى پەتر پوروشەنكوعا 24,45% تۇرعىن داۋىس بەرگەن.
سايلاۋدىڭ ەكىنشى تۋرى 21 ساۋىردە ءوتتى. داۋىس بەرۋگە ەل حالقىنىڭ 61,3% -ى قاتىستى. وسىعان دەيىن ياعني 19 ساۋىردە كيەۆتە پرەزيدەنتتىككە كانديداتتار اراسىندا دەبات وتكەن بولاتىن. دەباتتا ۆلاديمير زەلەنسكي 2014 جىلى پوروشەنكو ءۇشىن داۋىس بەرگەنىن، بىراق بۇل قادامنىڭ قاتە ەكەندىگىن ايتتى: «ءبىز ءسىز ءۇشىن داۋىس بەردىك. الايدا، پوروشەنكونىڭ ەكى بەينەسى بار ەدى. ءبىز قولداعان پوروشەنكو «پۋتين، مەن ساعان كورسەتەمىن. رەسەي – اگرەسسور» – دەدى. ال ەكىنشى بەينەڭىز جاسىرىن تۇردە مەدۆەدچۋك مىرزا ارقىلى ماسكەۋگە سالەمدەمە جىبەرىپ وتىردى. مەن ءسىزدىڭ قاتەلىكتەر مەن ۋادەلەرىڭىزدىڭ ناتيجەسىمىن»، – دەگەن بولاتىن.
جاڭا پرەزيدەنتتىڭ يناۋگۋراتسياسى جوعارعى رادا (پارلامەنت) بەلگىلەگەن كۇنى وتكىزىلەدى. زاڭ بويىنشا يناۋگۋراتسيا سايلاۋدىڭ رەسمي ناتيجەسى جاريالانعان سوڭ 30 كۇن ىشىندە وتكىزىلەدى.
ايتا كەتەيىك، 41 جاستاعى ۆلاديمير زەلەنسكي – اكتەر، شوۋمەن، پروديۋسەر جانە «كۆارتال-95» ستۋدياسىنىڭ جەتەكشىسى. پرەزيدەنتتىككە كانديدات بولاردان بۇرىن ساياساتتا جۇرمەگەن، بۇرىن-سوڭدى مەملەكەتتىك لاۋازىمدا بولماعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟