Foto: https://primeminister.kz

Qazaqstan men Vengriya investiciyalıq ıntımaqtastıqtı nığaytpaq. Bwl turalı QR prem'er-ministri Asqar Maminniñ Vengriya prem'er-ministri Viktor Orbanmen kezdesuinde mälim boldı

Kezdesu barısında Ükimet basşıları ekonomikalıq jäne sauda kelisimin talqılap, aldağı uaqıttağı josparlardı talqıladı. Sonımen qatar, dästürli jäne balamalı energetika, atom önerkäsibi jäne ğılım, qorğanıs-önerkäsibi keşeni, aviaciya, auıl şaruaşılığı, qazaqstandıq ekologiyalıq taza önimdi eksporttau salalarındağı özara tiimdi ıntımaqtastıqtı tereñdetu perspektivaları qaraldı

Asqar Mamin Qazaqstan men Vengriya arasındağı senimdi qarım-qatınastar ekonomikalıq özara is-qimıldı damıtuğa qolaylı jağday jasaytının atap ötti. Öz sözinde Viktor Orban: «Biz Qazaqstandı eleuli ekonomikalıq nätijelerge qol jetkizip jatqan el dep sanaymız. Ekijaqtı qarım-qatınas ornatqanımızğa öte quanıştımız. Vengriya aldağı uaqıtta da Qazaqstanğa aşıq bolıp, ekonomikalıq ıntımaqtastıq mümkindikterin izdeudi jalğastıradı»,– dep mälimdedi.

Ayta keteyik, 29 säuirde Nwr-Swltanda 100 majar käsipkeriniñ qatısuımen Qazaqstan – Vengriya Strategiyalıq keñesiniñ otırısı ötedi. Şarada sauda kölemin wlğaytu jäne investiciyalıq ıntımaqtastıqtı odan äri damıtu mäseleleri talqılanadı.

"The Qazaq Times"