Foto: https://sputniknews.kz

Qazaqstan men AQŞ Ükimeti arasında konsuldıq artıqşılıqtar men immunitetter turalı kelisimge qol qoyıldı. Atalğan qwjattı QR Sırtqı ister ministriniñ orınbasarı Erjan Aşıqbaev pen AQŞ-tıñ Qazaqstandağı tötenşe jäne ökiletti elşisi Uil'yam Mozer bekitti.

Qazirgi uaqıtta AQŞ-tıñ N'yu-York jäne San-Francisko qalalarında Qazaqstannıñ eki bas konsuldığı bar. Aldağı uaqıtta eki el arasındağı diplomatiyalıq baylanıstardı odan arı nığaytu josparlanıp otır. Osığan oray Erjan Aşıqbaev: «2018 jıldıñ qañtarında QR twñğış prezidenti N.Nazarbaev AQŞ-qa resmi saparmen barıp, osı ekijaqtı qatınastarımızdı keñeytilgen strategiyalıq äriptestik deñgeyine şığaru turalı uağdalastıqqa qol jetkizgen bolatın. Osı kelisim Qazaqstan men AQŞ-tıñ konsuldıq lauazımdı twlğalardı jäne olardıñ otbası müşelerin diplomatiyalıq immunitettermen, artıqşılıqtarmen qamtamasız etuge baylanıstı mäselelerdi rettemek. Bwl öz kezeginde lauazımdı twlğalardıñ qızmetine oñ äserin tigizetin boladı», – dedi.

Al Uil'yam Mozer mälimdemesinde eki el aumağında qızmet etip jürgen diplomattar üşin tolıq immunitetter men artıqşılıqtardı qamtamasız etu bağıtında tiisti qadam jasap otırğanın atap ötti. Mozer sözinde: «Qazaqstan men AQŞ tığız ekijaqtı qatınastardı qamtamasız etu üşin birazdan beri birqatar bastamalardı iske asıruğa qatıstı. Biz Qazaqstannıñ AQŞ aumağında diplomatiyalıq qatısuın keñeytu müddesin qoldaymız. Osı orayda Qazaqstandıq diplomattar üşin artıqşılıqtar men immunitetterdi qamtamasız etu  – investiciya tartu arqılı ekonomikanı damıtu men ekijaqtı baylanıstardı arı qaray nığaytuğa ıqpal etetini sözsiz», – dep mälimdedi.

"The Qazaq Times"