Foto: www.zastavki.com

Reseyde eñ quattı sanalatın baylanıs sputnigi Bayqoñır ğarış aylağınan mamırda wşırılmaq.

«YAmal-601» ğarış qwrılğısı 27 säuirde Bayqoñır ğarış aylağına «Volga-Dnepr» äue kompaniyasınıñ AN-124 transporttıq wşağımen jetkizilgen. Bastapqı salmağı 5400 keliden asatın ğarış qwrılğısı 30 mamırda apat jii orın alatın Proton-M» zımıranınıñ kömegimen wşırılmaq.

Sputnik Europalıq odaq aumağına, Reseydiñ europalıq böligine, Oral men Batıs Sibirge baylanıs qızmetin wsınadı.  Sonday-aq, Tayau Şığıs, Soltüstik Afrika jäne Oñtüstik-Şığıs Aziya öñirleri «YAmal-601» säule taratu aymağına kiredi.

Osığan deyin, yağni 13 säuirde Cifrlıq damu, qorğanıs jäne aeroğarış önerkäsibi ministrligi Qazaqstan tarapı «Bayqoñır» keşenin jalğa beru boyınşa Resey Federaciyasımen jasalğan halıqaralıq kelisimderdi saqtaytının mälimdegen bolatın. Vedomstvo 2004 jıldıñ 9 qañtarında jüzege asqan «Bayqoñır» keşenin tiimdi paydalanu turalı memleketaralıq kelisimge keşendi Reseyge jalğa beru merzimi 2050 jılğa deyin wzartılğanın eskertti.

Ayta keteyik, Reseydiñ Bayqoñırdan wşırılatın «Proton M» zımıranı Keñester odağı kezin eseptemegende Qazaqstan aumağına 1999 jıldan beri qwlap keledi. Soñğı ret «Proton M» zımıranı el aumağına 2015 jılı 16 mamır küni qwlağan bolatın. Al 2018 jılı 11 qazanda sağat 14:40-ta Bayqoñır ğarış aylağınan bortında «Soyuz MS-10» kemesi bar «Soyuz FG» zımıranı wşırılğan bolatın. Biraq zımıran äuege köterilgen bette apatqa wşırap, ekipaj müşeleri jerge qonuğa mäjbür bolğan.

"The Qazaq Times"