Bayqoñır qalasındağı körneki eskertkiş. Foto: QazAqparat HAA

Särsenbi küni Mäjilis otırısında «1994 jılğı 10 jeltoqsandağı Qazaqstan Respublikasınıñ Ükimeti men Resey Federaciyasınıñ Ükimeti arasındağı «Bayqoñır» keşenin jalğa beru şartına özgeris engizu turalı hattamanı ratifikaciyalau turalı» zañnıñ jobası maqwldandı. Özreriske säykes jalğa beru merzimi 2050 jılğa deyin wzartılmaq. Tağı bir zañ jobası negizinde reseylik zımıran wşırudı toqtatu merzimi naqtılandı.

Mäjilistiñ osı özgeristi engizgen mamandanğan komitet qorıtındısında «hattama boyınşa kelisimşart merzimi turalı 4-bap özgerip, uaqıtı 2050 jılğa deyin wzartıladı» delingen.

Zañ jobasın tanıstırğan cifrlıq damu äri aeroğarış önerkəsibi ministri Bağdat Musin Qazaqstan «Bayqoñır» ğarış aylağın «1994 jılı ekonomikalıq  dağdarıs kezinde» Reseyge beruge şeşim qabıldanğanın eske aldı.

«Bayqoñır» keşeni Resey Federaciyasınıñ jalğa alu jağdayında 20 jıldan astam jwmıs istep keledi. Jalğa beru şartına säykes «Bayqoñır» keşenin jalğa beru merzimin kelesi 10 jılğa wzartu mümkindigimen Resey Federaciyasına 20 jılğa jalğa berildi. Bwdan özge «Bayqoñır» keşeniniñ qızmet etuiniñ türli mäselelerin retteytin tağı 70-ke juıq halıqaralıq şartqa qol qoyıldı. «Bayqoñır» ğarış aylağı saqtalıp, oydağıday jwmıs istep jatır. Respublikalıq byudjetke jıl sayın «Bayqoñır» keşenin paydalanğanı üşin 115 mln AQŞ dolları köleminde qarjı tüsedi», – dedi ol.

Keşen jalğa berilgen 27 jıl işinde respublikalıq byudjetke şamamen 3,1 mlrd AQŞ dolları somasında qarajat tüsken.

Sonımen qosa, mäjilis «Bayqoñırdan» zımıran wşıruğa qatıstı zañ  jobasın qabıldap, senatqa joldadı. Ükimet müşesi endi ğarış aylağınan wşırılatın «Proton» zımıran tasığıştar sanı qısqarmaq, osılayşa 2026 jılı birjola toqtatıladı dep sendirdi.

«2016 jılı Reseymen jıl sayın besten artıq «Proton» zımıran tasığışın wşırmau jöninde kelisim jasaldı, 2026 jılğa taman onı paydalanudı mülde toqtatadı», – dedi Musin.

Ministrdiñ aytuınşa, 2020 jılı Resey «Protondı» Bayqoñırdan bir-aq ret wşırğan. Al biılğa zımıran wşu josparın äzirge belgisiz.

"The Qazaq Times"