Resey men Soltüstik Koreya basşıları kelesi aptada kezdesui mümkin. Foto: tvzvezda.ru.

Resey prezidentiniñ baspasöz hatşısı Dmitriy Peskov prezident Putin men Soltüstik Koreya basşısı Kim Joñ Un arasındağı kezdesudiñ dayındıq jwmıstarı jürip jatqanın habarladı.

Peskov sözinde: «Men tek Resey men KHDR basşıları arasındağı kezdesudiñ dayındıq jwmıstarı jürgizilip jatqanın rastay alamın. Kezdesudiñ ornı men uaqıtı twraqtanğan kezde bwl turalı mälimdeytin bolamız», – degen.

Oñtüstik Koreyanıñ «Yonhap» agenttigi düysenbi küni taratqan habarında, Reseydegi keybir derekközderiniñ mälimetin alğa tarta otırıp, keler aptada Soltüstik Koreya basşısı Kim Joñ Unnıñ Reseyge saparlay baratının aytqan.

Habarda aytıluınşa, Vladimir Putin 26-27 säuir künderi Beyjiñde ötetin «Bir beldeu, bir jol halıqaralıq ıntımaqtastıq forumına» qatısu üşin Qıtayğa saparlay baradı. Qıtay saparınan bwrın 24 säuirde Qiır-Şığısta jergilikti is şaralarğa qatısudı josparlağan. Osı twsta Soltüstik Koreya basşısı Resey jerinde Putinmen kezdesedi delingen.

“The Qazaq Times”