رەسەي مەن سولتسۇستىك كورەيا باسشىلارى قيىر-شىعىستا كەزدەسپەك

رەسەي پرەزيدەنتىنىڭ ءباسپاسوز حاتشىسى دميتري پەسكوۆ پرەزيدەنت پۋتين مەن سولتۇستىك كورەيا باسشىسى كيم جوڭ ۋن اراسىنداعى كەزدەسۋدىڭ دايىندىق جۇمىستارى ءجۇرىپ جاتقانىن حابارلادى.

پەسكوۆ سوزىندە: «مەن تەك رەسەي مەن كحدر باسشىلارى اراسىنداعى كەزدەسۋدىڭ دايىندىق جۇمىستارى جۇرگىزىلىپ جاتقانىن راستاي الامىن. كەزدەسۋدىڭ ورنى مەن ۋاقىتى تۇراقتانعان كەزدە بۇل تۋرالى مالىمدەيتىن بولامىز»، – دەگەن.

وڭتۇستىك كورەيانىڭ «يونحاپ» اگەنتتىگى دۇيسەنبى كۇنى تاراتقان حابارىندا، رەسەيدەگى كەيبىر دەرەككوزدەرىنىڭ مالىمەتىن العا تارتا وتىرىپ، كەلەر اپتادا سولتۇستىك كورەيا باسشىسى كيم جوڭ ۋننىڭ رەسەيگە ساپارلاي باراتىنىن ايتقان.

حاباردا ايتىلۋىنشا، ۆلاديمير پۋتين 26-27 ءساۋىر كۇندەرى بەيجىڭدە وتەتىن «ءبىر بەلدەۋ، ءبىر جول حالىقارالىق ىنتىماقتاستىق فورۋمىنا» قاتىسۋ ءۇشىن قىتايعا ساپارلاي بارادى. قىتاي ساپارىنان بۇرىن 24 ساۋىردە قيىر-شىعىستا جەرگىلىكتى ءىس شارالارعا قاتىسۋدى جوسپارلاعان. وسى تۇستا سولتۇستىك كورەيا باسشىسى رەسەي جەرىندە پۋتينمەن كەزدەسەدى دەلىنگەن.

“The Qazaq Times”