Iran Qazaqstannan jetkiziletin 864 tauarğa importtıq baj salığın tömendetedi. Bwl turalı QR Wlttıq ekonomika vice-ministri Serik Jwmanğarin mälimdedi.

EAEO-ğa müşe elder 502, onıñ işinde 126 auıl şaruaşılığı, 376 önerkäsiptik tauar boyınşa importtıq baj stavkaların tömendetken. Sığan baylanıstı QR Senatı Ekonomikalıq sayasat, innovaciyalıq damu jäne käsipkerlik komitetiniñ keñeytilgen otırısında vice-ministr: «2018 jılı 17 mamırda Astanada EAEO-ğa müşe memleketter men Iran Islam Respublikası arasındağı erkin sauda aymağın qwruğa alıp keletin uaqıtşa kelisimge qol qoyılğan bolatın. Kelisimge säykes, kelissözderdi jürgizu jaylı şeşimdi EAEO memleketteriniñ basşıları 2016 jılı qabıldağan. Osı rette Iranmen erkin sauda aymağın qwru bastamasın Memleket basşısı 2014 jılı Kaspiy mañı memleketteri basşılarınıñ sammitinde wsındı. Bwl kelisimdi iske asıru otandıq tauarlardı 80 mln-nan astam halqı bar Irannıñ perspektivalı narığına şığaru arqılı olardıñ eksportın wlğaytuğa mümkindik beredi. Jalpı alğanda osınday kelisim eksporttı älemdik narıqqa şığaru qwraldarınıñ biri bolıp sanaladı», – dep mälimdedi.

Senat qarauına tüsken bwl kelisimge säykes, Iran tarapı 864, onıñ işinde 262 auıl şaruaşılığı, 602 önerkäsiptik tauarğa qatıstı importtıq baj stavkaların tömendetedi. Iran narığına siır jäne qoy etti jetkizu stavkası 26-dan 5-10, bwrşaq daqıldarı 55-ten 5-10, ösimdik mayın 20-dan 10, makaron jäne konditerlik önimderdi 55-ten 14-20, bolat ilek 20-dan 15, rel'ster 5-4%-ğa deyin tömendetiledi. Atalğan tauarlar Qazaqstannıñ Iranğa eksportınıñ 292 mln dollarına juıq yağni 54%-dan astam.

Ayta keteyik, Qazaqstan men Irannıñ özara sauda kölemi 2018 jılı 516,3 mln AQŞ dollar. Onıñ işinde Iranğa eksport 426,7 mln, import 89,5 mln dollardı qwradı. Qazaqstannıñ negizgi  tauarlarınıñ işinde arpa 272 mln, bolat ilek 87 mln, raps twqımı 17 mln jäne qoy eti 11,6 mln dollarğa jetkizilgen.

"The Qazaq Times"