Bastı taqırıp Resey bolmaq. Foto: Washington Times.

NATO wyımınıñ 70 jıldığına oray müşe elderdiñ sırtqı ister ministrleri 3-4 säuir künderi Uaşingtonda bas qospaq. Jinalıs kezinde Resey taqırıbı, Auğanstandağı qayşılıqtı jönge salu mäseleleri ortağa salınbaq.

Erteñ NATO-ğa müşe elderdiñ SİM basşıları AQŞ Kongresi jağınan wyımdastırılğan arnayı jiınğa qatısadı. Onda wyımnıñ bas hatşısı Yens Stoltenberg bayandama jasamaq. Sonday-aq, keşte qatısuşılar bwdan jetpis jıl bwrın Soltüstik Atlantika kelisimi qol qoyılğan Mellon sarayında bas qosadı.

NATO-nıñ bwl retki jinalısında Reseydiñ orta qaşıqtıqqa atılatın zımırandar turalı kelisimge qayşı äreketteri eñ negizgi taqırıp bolmaq. Wyımnıñ bas hatşısı Stoltenbreg bwl jöninde Reseydi ayıptap pikir bildirgen. Ol sözinde: «Resey bizdiñ eskertuimizdi tıñdamay otır. Bizdiñ uaqıtımız tığız, sondıqtan da NATO-nıñ eñ bastı qadamdarın talqılaytın bolamız», – degen.

Ol jäne Gruziya men Ukrainağa qarata qoldaudı küşeytetinin de aşıq ayttı. Bwl aldağı uaqıtta NATO men Resey arasındağı qayşılıqtıñ tipti de küşeye tüsetinin körsetedi.

“The Qazaq Times”