باستى تاقىرىپ رەسەي بولماق. فوتو: Washington Times.

ناتو ۇيىمىنىڭ 70 جىلدىعىنا وراي مۇشە ەلدەردىڭ سىرتقى ىستەر مينيسترلەرى 3-4 ءساۋىر كۇندەرى ۋاشينگتوندا باس قوسپاق. جينالىس كەزىندە رەسەي تاقىرىبى، اۋعانستانداعى قايشىلىقتى جونگە سالۋ ماسەلەلەرى ورتاعا سالىنباق.

ەرتەڭ ناتو-عا مۇشە ەلدەردىڭ ءسىم باسشىلارى اقش كونگرەسى جاعىنان ۇيىمداستىرىلعان ارنايى جيىنعا قاتىسادى. وندا ۇيىمنىڭ باس حاتشىسى يەنس ستولتەنبەرگ بايانداما جاساماق. سونداي-اق، كەشتە قاتىسۋشىلار بۇدان جەتپىس جىل بۇرىن سولتۇستىك اتلانتيكا كەلىسىمى قول قويىلعان مەللون سارايىندا باس قوسادى.

ناتو-نىڭ بۇل رەتكى جينالىسىندا رەسەيدىڭ ورتا قاشىقتىققا اتىلاتىن زىمىراندار تۋرالى كەلىسىمگە قايشى ارەكەتتەرى ەڭ نەگىزگى تاقىرىپ بولماق. ۇيىمنىڭ باس حاتشىسى ستولتەنبرەگ بۇل جونىندە رەسەيدى ايىپتاپ پىكىر بىلدىرگەن. ول سوزىندە: «رەسەي ءبىزدىڭ ەسكەرتۋىمىزدى تىڭداماي وتىر. ءبىزدىڭ ۋاقىتىمىز تىعىز، سوندىقتان دا ناتو-نىڭ ەڭ باستى قادامدارىن تالقىلايتىن بولامىز»، – دەگەن.

ول جانە گرۋزيا مەن ۋكرايناعا قاراتا قولداۋدى كۇشەيتەتىنىن دە اشىق ايتتى. بۇل الداعى ۋاقىتتا ناتو مەن رەسەي اراسىنداعى قايشىلىقتىڭ ءتىپتى دە كۇشەيە تۇسەتىنىن كورسەتەدى.

“The Qazaq Times”