Wlıbritaniya prem'er-ministri Tereza Mey. Foto: http://zazhizn.com.ua

Wlıbritaniya prem'er-minitsri Tereza Mey otstavkağa ketuge dayın. Bwl turalı Time basılımı habarladı.

Parlamenteriyler eki ret qabıldaudan bas tartqan Euroodaqtan şığu turalı joba üşinşi kezeñde maqwldansa, Mey otstavkağa ketedi. Eger parlament kelisimge veto jariyalağan jağdayda, nauqan 12 säuirge jıljıtıladı.

Wlıbritaniya Euroodaq qwramınan 2019 jıldıñ 29 naurızında şığuı tiis. Al 2020 jıldıñ soñına deyin işki narıqtağı jağday, diplomatiyalıq baylanıs pen europalıq sayasatqa reformalar engizilmeydi. Degenmen, Odaq qwramındağı elder Mey ükimetiniñ josparına qatıstı senimsizdik tanıttı. Endi britandıqtar Europarlamentte mamırda ötetin saylauğa qatısuğa mindetti. Mey jeltoqsanda ötetin dauıs beru kezeñin qañtar ayına auıstırğan bolatın. Sebebi, breksittiñ kedendik jäne biriñğay narıqqa bağıttalğan kelisimşartı Soltüstik Irlandiyanı qanağattandırmağan edi. Bwdan bölek, Wlıbritaniyanıñ ükimet basşısı Euroodaqtıñ da keybir dünielerge kepildik beremiz degenin tilge tiek etken. Alayda, naqtı qanday maqsattarğa ekendigin aşıp aytpadı. Breksittiñ dauıs berui jaqındağan sayın, Britaniya twrğındarınıñ da alañdauı jiiley bastağan.

Kezekti dauıs beru nätijesinde Britaniyadağı qauımdar palatası Breksitti keyinge qaldıru kerek degen şeşim qabıldağan. Deputatardıñ basım böligi 22 mamırda boluı qajet dep wyğardı. Tereza Mey öz sözinde: «Eki jıl boyı deputtatar Euroodaq qwramınan şığuğa qatıstı ortaq mämilege kele almadı. Nätijesinde qolımızda kelisimniñ joqtığınan 29 naurızda oylağanımız jüzege aspayın dep twr. Bwl kidiris men üşin öte ökinişti. Bwdan bölek, köpşilik qauım da ökpeli dep oylaymın», – dedi.

"The Qazaq Times"