تەرەزا مەي وتستاۆكاعا كەتۋگە دايىن

ۇلىبريتانيا پرەمەر-ءمينيتسرى تەرەزا مەي وتستاۆكاعا كەتۋگە دايىن. بۇل تۋرالى Time باسىلىمى حابارلادى.

پارلامەنتەريلەر ەكى رەت قابىلداۋدان باس تارتقان ەۋرووداقتان شىعۋ تۋرالى جوبا ءۇشىنشى كەزەڭدە ماقۇلدانسا، مەي وتستاۆكاعا كەتەدى. ەگەر پارلامەنت كەلىسىمگە ۆەتو جاريالاعان جاعدايدا، ناۋقان 12 ساۋىرگە جىلجىتىلادى.

ۇلىبريتانيا ەۋرووداق قۇرامىنان 2019 جىلدىڭ 29 ناۋرىزىندا شىعۋى ءتيىس. ال 2020 جىلدىڭ سوڭىنا دەيىن ىشكى نارىقتاعى جاعداي، ديپلوماتيالىق بايلانىس پەن ەۋروپالىق ساياساتقا رەفورمالار ەنگىزىلمەيدى. دەگەنمەن، وداق قۇرامىنداعى ەلدەر مەي ۇكىمەتىنىڭ جوسپارىنا قاتىستى سەنىمسىزدىك تانىتتى. ەندى بريتاندىقتار ەۋروپارلامەنتتە مامىردا وتەتىن سايلاۋعا قاتىسۋعا مىندەتتى. مەي جەلتوقساندا وتەتىن داۋىس بەرۋ كەزەڭىن قاڭتار ايىنا اۋىستىرعان بولاتىن. سەبەبى، برەكسيتتىڭ كەدەندىك جانە بىرىڭعاي نارىققا باعىتتالعان كەلىسىمشارتى سولتۇستىك يرلانديانى قاناعاتتاندىرماعان ەدى. بۇدان بولەك، ۇلىبريتانيانىڭ ۇكىمەت باسشىسى ەۋرووداقتىڭ دا كەيبىر دۇنيەلەرگە كەپىلدىك بەرەمىز دەگەنىن تىلگە تيەك ەتكەن. الايدا، ناقتى قانداي ماقساتتارعا ەكەندىگىن اشىپ ايتپادى. برەكسيتتىڭ داۋىس بەرۋى جاقىنداعان سايىن، بريتانيا تۇرعىندارىنىڭ دا الاڭداۋى جيىلەي باستاعان.

كەزەكتى داۋىس بەرۋ ناتيجەسىندە بريتانياداعى قاۋىمدار پالاتاسى برەكسيتتى كەيىنگە قالدىرۋ كەرەك دەگەن شەشىم قابىلداعان. دەپۋتاتاردىڭ باسىم بولىگى 22 مامىردا بولۋى قاجەت دەپ ۇيعاردى. تەرەزا مەي ءوز سوزىندە: «ەكى جىل بويى دەپۋتتاتار ەۋرووداق قۇرامىنان شىعۋعا قاتىستى ورتاق مامىلەگە كەلە المادى. ناتيجەسىندە قولىمىزدا كەلىسىمنىڭ جوقتىعىنان 29 ناۋرىزدا ويلاعانىمىز جۇزەگە اسپايىن دەپ تۇر. بۇل كىدىرىس مەن ءۇشىن وتە وكىنىشتى. بۇدان بولەك، كوپشىلىك قاۋىم دا وكپەلى دەپ ويلايمىن»، – دەدى.

"The Qazaq Times"