Şi Jinptñ Parijde. Foto: VOA.

Franciya prezidenti Emmanuel' Makron Qıtay basşısı Şi Jinpiñdi Jerorta teñizi jağasındağı şağın qaladağı alğaşqı qarsı aludan keyin, Parijdegi «Jeñis qapasında» resmi äri saltanattı türde kütip aldı. Alayda, Qıtay basşısı Franciya saparı kezekti Europa saparındağı alğaşqı eki ayaldamasınan göri ülken qiındıqtarğa tap boldı.

QHR törağası osıdan bwrın Italiyada Europa saparın bastağan. Italiya ükimeti Qıtaydıñ «Bir beldeu, bir jol» jobasın qoldauğa niet tanıtqan. Al, şağın ğana europalıq el Monako qıtaylıq Huawei kompaniyasınıñ öz elinde 5G telekommunikaciyalıq jelisin damıtuına rwqsat bergen.

Al, Qıtay lideriniñ Franciya saparı eki el basşısına da birdey auır sınaq boldı. Sebebi, Şi Jinpiñ jöninen alğanda, onıñ bwl saparınıñ maqsatı Europada Qıtaydıñ ekonomikalıq baylanıstarın keñeytu ğana emes, sonımen qatar basqa iri jahandıq bäsekelesteri aldında (AQŞ-tı atap aytuğa boladı) Qıtaydıñ sayasi ıqpalın keñeytu maqsatı da bar. Al, Makron men onıñ odaqtastarı Qıtaymen bolğan qarım-qatınasta EO-nıñ ortaq pikiriniñ bar ekenin körsete otırıp, Makron öziniñ de Europadağı ıqpaldı köşbasşı retinde äygileu sındı maqsattarı bar.

Franciyanıñ basılımdarı eki el basşısınıñ kezdesuin qorıtındılağanda, Qıtaymen bolğan baylanısta Europanıñ bölşekteri joq ekenin, äli de ortaq seriktes bolatının basa ayttı. YAğni, Qıtay Europa elderimen jekelegen baylanıstı jüzege asıru üşin ülken qiındıqtardıñ bar ekenin, EO-ğa müşe elder ortaq Europalıq qwndılıqtar men wstanımdarğa jüginetinin körsetkisi keldi.

Düysenbi küngi kün tärtip boyınşa, Franciya men Qıtay basşıları energetika, azıq-tülik jäne kölik salalarındağı birqatar kelisimderge qol qoydı. Osıdan keyin Makron Elisey sarayında dastarhan jayğızıp, joğarı lauazımdılar qatısqan qonağası ötkizdi. Bwl qonağası turalı habarlarda, eki el basşısı klimat özgerisi turalı oy almasıp, Tramp äkimşiliginiñ klimat özgerisine baylanıstı şeşimderi turalı sın-pikirlerin ortağa salğan.

Bir sözben aytqanda, Qıtay basşısınıñ Franciya saparı Franciya-Qıtay ğana emes, EO-Qıtay qarım-qatınasınıñ bir bölegine aynalıp qaldı. Beyjiñ lauazımdıları öz maqsattarına qanşalıq jete aldı, bwnı tolıq tüsindirip beru qiın. Alayda, Italiya men Monako saparınan älde qayda qiın tidi. Äri, EO-nıñ Qıtaymen baylanıstağı wstanımdarın jwmsarta almadı. Sapar qorıtındısı aldağı uaqıtta älem aqparatınıñ nazarında bolmaq.

“The Qazaq Times”