Putin baylığı AQŞ-qa ne üşin qajet?
Naurız ayınıñ 13-i küni AQŞ Kongresiniñ tömengi palatası Reseyge qatıstı tört birdey zañ jobasın qabıldadı. Onda Kongress Resey biligin oppoziciyalıq sayasatker Boris Nemcovtıñ ölimin halıqaralıq därejede zertteuge şaqıradı jäne Aq üy äkimşiligin Nemcov ölimine qatısı bar adamdarğa sankciya saluğa mindetteydi.
Bwdan bölek qabıldanğan zañ boyınşa, AQŞ wlttıq barlau qızmeti 90 künniñ işinde Reseydiñ NATO-ğa qarsı jürgizui mümkin äskeri äreketteri jöninde aqparattar jinauı tiis jäne Aq üy äkimşiligi qanday jağday bolsa da Qırımdı Resey territoriyası dep moyındamaydı. Biraq atalmış zañ jobasınıñ eñ qızıqtı äri bolaşaqta ülken sayasi şielenisterge alıp kelui mümkin twsı «Wlttıq barlau qızmetine jartı jılda Vladimir Putinniñ qarjı aktivteri jöninde aqparat jinap, Kongreske wsınudı mindetteytin» böligi.
Vladimir Putinniñ 2017 jılğı qarjılay kiris deklaraciyası boyınşa, onıñ jıldıq tabısı 18,7 million rubl'di qwrağan. 2016 jılı jariyalanğan deklaraciyada bwl körsetkiş nebäri 8,86 million rubl' dep körsetilgen. «Bir jıl işinde 10 million rubl' qarjını Putin qaydan taptı?» - degen swraqqa onıñ baspasöz qızmeti: «Putin 2017 jılı birqatar jıljımaytın mülikterin sattı» - dep jauap bergen. Biraq olar onıñ qanday jıljımaytın müligin satqandığın aytpağan.
Resmi aqparat boyınşa, Putinniñ ieliginde bir päter, bir garaj, GAZ M-21, Niva avtokölikteri men Skif tirkegişi (pricepi) bar. Putinniñ resmi jariyalanğan deklaraciyasına qarap, AQŞ Konrgesmenderi «sütten aq, sudan taza» adamdı tekserip ne tappaq? degen oy keledi. Biraq Kreml' qojayınınıñ baylığı eki avtokölik, bir pätermen bitpeytindigin olar da biz de bilemiz. VVS telearnasınıñ zertteui boyınşa, Putin Europadağı eñ bay adam. Onıñ jeke baylığı 40 milliard dollar. Oppoziciyalıq sayasatker Boris Nemcov tiri kezinde Vladimir Putinniñ jeke baylığı jöninde birneşe märte swhbat berdi. Ol onda Resey basşısınıñ 22 million rubl'dik sağatınan bastap, ärqaysısı 1 milliard dollar twratın 20 jeke üyi jöninde aytqan.
Äzirge AQŞ Kongresiniñ tömengi palatası qabıldağan zañ jobasın Senat müşeleriniñ maqwldau, maqwldamauı belgisiz. Biraq, AQŞ biligi bwğan deyin 2018 jılı «Kreml' bayandaması» attı zañ jobasın qabıldap, Vladimir Putinniñ mañayında jürgen 210 adamnıñ tizimin jariyalap, birqatarına sankciya salğan. Bwl jolı osıdan bir jıl bwrınğı scenariy qaytalanuı äbden mümkin. Eger AQŞ Wlttıq barlau qızmeti Putinniñ jeke qarjı aktivteri jönindegi aqparattardı jariyalaytın bolsa, onda ol älem jwrtşılığı men Resey halqınıñ nazarınan tıs qalmaytındığı anıq...
Şerzattıñ ölimi isine qatıstı qwpiya videonı jariyalau kimge kerek boldı? – Sarapşılar media sını
24 qazan – Kitaphanaşılar merekesi qwttı bolsın!
«Uçaskeden äruaqqa kök hat»: Almatıda marqwmğa kelgen şaqırtu
Komissiya men baqılauşı esebindegi ayırmaşılıq: Almatıda referendum qalay ötip jatır?
Qarağayğa qarsı bwtaq. Dumannıñ sot tergeui ayaqtaldı. 29 şilde jarıssöz.
Qosay Mahambaev: oq tigen adamdı qwtqaram degende özimdi atıp tastadı
