13 naurızda AQŞ memlekettik departamenti jıl sayınğı älem elderindegi adam qwqıqtarınıñ jağdayın zerttegen esebin jariyalaydı.

Memlekettik departamenttiñ esebinde "Qazaqstanda sayasi qudalau, cenzura, sayttardı bwğattau, dini qudalau, beybit miting wyımdastıruğa tıyım, käsipodaqtar jwmısın şekteu, jemqorlıq sındı adam qwqıqtarın şekteytin mäseleler bar" dep jazılğan.

Departamenttiñ payımdauınşa, "Qazaqstanda prezident äkimşiligi ükimetti, zañ şığaru jäne sot organdarın, aymaqtıq jäne jergilikti bilikti baqılauında wstap otır. El konstituciyasın özgertu üşin prezidenttiñ kelisimi kerek".

Memlekettik departament Qazaqstandı eldegi saylaularda Europadağı qauipsizdik jäne ıntımaqtastıq wyımınıñ erejelerin saqtamaydı dep sınadı.

"2015 jılı prezident saylauında Nazarbaev 98 payız dauıspen jeñiske jetti. Biraq saylau zañdarı bwzılıp, şınayı bäseke bolmadı. 2017 jılı mausımda senattağı 16 orınğa saylau ötti. Bwl saylaudı jergilikti äkimdik ökilderi qatañ baqılap, prezident äkimşiliginiñ nwsqaulığımen wyımdastırdı" dep jazılğan qwjatta.

Memleket departament esebinde Qazaqstan qızmetin asıra paydalanğan, para alğan şeneunikterdi tañdap jazalaytın atap körsetken.

"Qazaqstanda jemqorlıq mäselesi äli özekti. Bilikte, ükimette, qwqıq qorğau organdarında basşılıq qızmette otırğandar jemqorlıq isine kelgende jazasız ketedi" dep jazılğan esepte.

Memlekettik departamenttiñ esebi 46-şı ret jariyalandı. AQŞ memlekettik departamenti bwğan deyingi esepterinde de Qazaqstandağı adam qwqığı jayın sınağan. Qazaqstan biligi ol kezde memlekettik departament esebine qatıstı resmi pikir bildirmegen.

"The Qazaq Times"