مونيتورينگ بويىنشا بجزق-نىڭ www.enpf.kz رەسمي سايتى جوعارى باعاعا يە بولدى جانە ۇزدىك سايتتاردىڭ ءبىرى بولىپ تانىلدى. بۇل تۋرالى قوردىڭ اقپاراتتىق قىزمەتى حابارلادى.
سايت ارقىلى زەينەتاقى جۇيەسى مەن قور قىزمەتىنە قاتىستى قاجەتتى اقپاراتتى الۋعا جانە كەرى قوڭىراۋ شالۋعا تاپسىرىس بەرىپ، «كەرى بايلانىس» بولىمىندە ساۋال جولداۋ مۇمكىندىگى قاراستىرىلعان. باسقارما ءتورايىمىنىڭ بلوگى ارقىلى قور باسشىلىعىنا تىكەلەي سۇراق قويۋعا بولادى.
سونداي-اق، بجزق ۇيالى قوسىمشاسى سالىمشىلار مەن الۋشىلار اراسىندا ۇلكەن تانىمالدىققا يە. سول ارقىلى قوردىڭ اعىمداعى كورسەتكىشتەرىنەن باستاپ بولىمشەلەردىڭ مەكەنجايلارىنا دەيىنگى بارلىق انىقتامالىق اقپاراتتاردى الۋعا، جەكە كابينەتكە كىرىپ، زەينەتاقى جيناقتارىنىڭ جاي-كۇيىن بىلۋگە بولادى. ايتا كەتەلىك، زەينەتاقى جيناقتارى جارنالار مەن ينۆەستيتسيالىق تابىستاردان قۇرالادى. قازىرگى ۋاقىتتا ۇيالى قوسىمشا ىسكە قوسىلعان كۇننەن باستاپ 1,9 ملن رەت جۇكتەلگەن. 2018 جىلعى كورسەتكىش – 755 مىڭ جۇكتەلىم بولاتىن.
بۇدان باسقا، سالىمشىلار مەن الۋشىلار كەز كەلگەن ۋاقىتتا قوردىڭ بايلانىس ورتالىعىنىڭ 1418 تەگىن نومىرىنە قالالىق جانە ۇيالى تەلەفوننان حابارلاسىپ، جيناقتاۋشى زەينەتاقى جۇيەسى تۋرالى قاجەتتى اقپاراتتاردى، سونداي-اق، كورسەتىلەتىن قىزمەتتەر مەن زەينەتاقى زاڭناماسى بويىنشا كەڭەس الا الادى. 2018 جىلى بايلانىس ورتالىعىنا 355 مىڭ رەت قوڭىراۋ شالىنعان. بۇل 2017 جىلعى كورسەتكىشپەن سالىستىرعاندا 35 پايىزعا جوعارى.
سونىمەن بىرگە، 2018 جىلى قوردىڭ بارلىق بايلانىس ارنالارى بويىنشا ازاماتتاردان 543,1 مىڭ ءوتىنىش تۇستىكەن. بۇل 2017 جىلمەن سالىستىرعاندا 15 پايىزعا جوعارى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى