Reseyde ğalamtor cenzurasına qarsı şeru ötti

Mäskeude derbes internet turalı zañ jobasına qarsı narazılıq şerui ötti. Bwl turalı BBC habarladı.

Avtonomdı runet turalı qwjatqa säykes, ğalamtordıñ reseylik segmenti oqşaulanıp, halıqaralıq qızmetter bwğattaladı. Songmen qatar, qoldanuşınıñ aqparatı qadağalanadı. Narazılıq akciyasına qatısqan 15 mıñnan astam adam atalğan qwjattıñ joyıluın talap etti. Şeruge qatısuşılar: «Qıtaydı mısalğa alar bolsaq, internet jıldamdığıtömen äri qımbat. Sonday-aq sayttar, aqparat agenttikteri, äleumettik jeliler dwrıs jwmıs istemeydi. Al Reseyde ğalamtor qoljetimdi boluı qajet. Internet – zamanaui ortaq qwndılıq jäne söz bostandığınıñ kepili. Ol – bizdiñ konstituciyalıq qwqığımız. Sondıqtan qoğam erkin internetti qorğau üşin küş biriktirui tiis»,– deydi. Şara kezinde tärtip saqşıları dron wşırğan onğa juıq adamdı jäne birneşe twrğındı qamauğa aldı.

Resey Memlekettik duması «derbes internet turalı» zañ jobasın birinşi oqılımda qabıldağan bolatın. Resey Parlamentiniñ aqparattıq sayasat jäne kommunikaciyalar komitetiniñ basşısı Leonid Levin: «Memleket eşqanday cenzura ornatıp, jaña şekteuler engizip otırğan joq. Bar bolğanı, osığan deyin memlekettik deñgeyde tıyım salınğan sayttardı VPN-niñ kömegimen qarap kelgen azamattardı qatañ baqılauğa alğalı otır», – dep mälimdedi.

Resey mwnday şekteu qoyıp otırğan alğaşqı memleket emes. Älemdegi qoldanuşısı köp äleumettik jelilerdi qoldanuğa rwqsat etilmegen Qıtayda VPN-derdiñ jwmısın toqtatu «Ğalamtordı tazalau jäne standarttau» dep atalatın birıñğay memlekettik sayasat ayasında jüzege asadı.

"The Qazaq Times"