Resey prezidenti Vladimir Putin. Foto: https://mtdata.ru

Memlekettik Duma Konstituciyağa tüzetuler engizu turalı prezidenttiñ wsınısın birinşi oqılımda qabıldadı. Ötken aptada Vladimir Putin sayasi jüyeni özgertu jäne äleumettik kepildikterdi bekitu turalı jobanı wsınğan bolatın.

Zañ jobasın qabıldau üşin 432 deputat qoldap dauıs berdi. Qarsı bolğandar da, qalıs qalğandar da bolğan joq.

15 qañtarda Resey prezidenti Vladimir Putin Ükimet otstavkasın qabıldadı. 20 qañtarda Parlamentke tüsken zañ jobasında Konstituciyanıñ 22 babın özgertu turalı wsınıs bar. Bwl özgerister bilik tarmaqtarı arasında ökiletti basqaşa böludi közdeydi: Resey Konstituciyasınıñ halıqaralıq zañnamadan joğarı twrğanın bekitudi wsınadı. Sonımen qatar, prezident negizgi zañda özi qalpına keltirgen memlekettik keñestiñ statusı men rölin bektedi.

Sarapşılardıñ pikirinşe, Konstituciyağa özgerister engizip, ükimetti otstavkağa ketiru arqılı Putin «qazaqstandıq scenariydi» tañdağan. Franciyalıq Le Monde basılımı: «Bastı dünie – 67 jasta bolsa da bilikti basqarıp otırğan Putinniñ sayasi jüyesi. Memlekettik Keñes, basqa da organdardıñ küşeyui äli künge deyin kümändi. Bwl jayt 2019 jılı prezident qızmetinen ketken, biraq Wlttıq Qauipsizdik Keñesiniñ basşısı retinde sayasi sahnada bastı rölin saqtap kele jatqan Qazaqstannıñ bwrınğı basşısı N.Nazarbaevtıñ josparın eske saladı», – dep jazğan.

"The Qazaq Times"