Foto: https://kursiv.kz

Qazaqstan SİM Ündistan men Päkistan baylanısına qatıstı mälimdeme jasadı.

Resmi mälimdemede aytlğanday, «halıqaralıq qwqıqqa qayşı äreket jasamay, barınşa sabırlıq tanıtu eki el arasındağı mäseleniñ aldın aludıñ tiimdi jolı». Sonımen qatar, barlıq tarap üşin qauipsizdik jäne beybitşilik mañızdı.

Bwğan deyin Europalıq Odaq elderi jiın ötkizip, eki el arasındağı jağdaydı talqılağan bolatın. EO ökili Mayya Kos'yançiç: «Ündistan men Päkistan arasındağı jağdaydıñ damu barısın mwqiyat baqılaymız. Qos tarappen de baylanıstamız. Janjaldı odan arı uşıqtırmas üşin eki el birlesken kezdesu ötkizip, mäseleni şeşiu tiis dep sanaymız. Bwl jağday eki jaqqa da adamdar şığının äkeledi», – dedi.

Ayta keteyik, 14 aqpanda Jamma men Kaşmir aymaqtarında terrakt orın alıp, Ündistannıñ 44 äskeri qızmetkeri qaza tapqan bolatın. Al 26 aqpanda Ündistan qarulı küşteri Päkistannıñ Kaşmir aumağına äueden soqqı jasadı.

"The Qazaq Times"