فوتو: https://kursiv.kz

قازاقستان ءسىم ءۇندىستان مەن پاكىستان بايلانىسىنا قاتىستى مالىمدەمە جاسادى.

رەسمي مالىمدەمەدە ايتلعانداي، «حالىقارالىق قۇقىققا قايشى ارەكەت جاساماي، بارىنشا سابىرلىق تانىتۋ ەكى ەل اراسىنداعى ماسەلەنىڭ الدىن الۋدىڭ ءتيىمدى جولى». سونىمەن قاتار، بارلىق تاراپ ءۇشىن قاۋىپسىزدىك جانە بەيبىتشىلىك ماڭىزدى.

بۇعان دەيىن ەۋروپالىق وداق ەلدەرى جيىن وتكىزىپ، ەكى ەل اراسىنداعى جاعدايدى تالقىلاعان بولاتىن. ەو وكىلى مايا كوسيانچيچ: «ءۇندىستان مەن پاكىستان اراسىنداعى جاعدايدىڭ دامۋ بارىسىن مۇقيات باقىلايمىز. قوس تاراپپەن دە بايلانىستامىز. جانجالدى ودان ارى ۋشىقتىرماس ءۇشىن ەكى ەل بىرلەسكەن كەزدەسۋ وتكىزىپ، ماسەلەنى شەشىۋ ءتيىس دەپ سانايمىز. بۇل جاعداي ەكى جاققا دا ادامدار شىعىنىن اكەلەدى»، – دەدى.

ايتا كەتەيىك، 14 اقپاندا جامما مەن كاشمير ايماقتارىندا تەرراكت ورىن الىپ، ءۇندىستاننىڭ 44 اسكەري قىزمەتكەرى قازا تاپقان بولاتىن. ال 26 اقپاندا ءۇندىستان قارۋلى كۇشتەرى پاكىستاننىڭ كاشمير اۋماعىنا اۋەدەن سوققى جاسادى.

"The Qazaq Times"