Foto: https://www.dsector.ru

AQŞ pen Soltüstik Koreyanıñ ekinşi sammiti V'etnam astanası Hanoyda ötkizilmek. Bwl turalı «The Washington Post» habarladı.  

Donal'd Tramp pen Kim Çen In qauipsizdik mäselelerin jäne Korey tübegin yadrolıq qarudan azat etu kelisiminiñ orındaluın talqılaydı. Uaşington yadrolıq qarudan arılu mäselesinde naqtı nätije, jılju joq degen bolatın. Biraq, Soltüstik Koreya basşısı Kim Çen In bwl pikirmen kelispeytinin ayttı. Taraptardıñ alğaşqı sammiti bıltır 12 mausımda Singapurde ötken bolatın.

Qazirgi uaqıtta atalğan mäsele Qwrama Ştattarımen qatar özge de memleketterdi alañdatatını ras. Sol sebepti AQŞ prezidenti Donal'd Tramp yadrolıq qarudı doğaru turalı wsınıs bildirgen. Kim Çen In Oñtüstik Koreya elşisinen osı taqırıpqa qatıstı sälemdeme joldadı. Sayasatkerdiñ aytuınşa, Phungeri poligonında demontaj jürgizilgennen soñ memlekette yadrolıq sınaq ötkizilmeydi. Kim Çen Innıñ oyınşa, älem qauımdastığı osı uaqıtqa deyingi nätijeli äreketter men Phen'yannıñ «batır» qadamın moyındamay otır. Öz sözinde ol AQŞ-pen baylanıstıñ edäuir jaqsarıp, tübektegi jağdaylardıñ şeşimin tabatınına nıq senimdi ekenin bildirgen.

6 qırküyekte Aq üy basşısı Donal'd Tramp «Reuters» agenttiginiñ tilşilerine bergen swhbatında: «Kimmen öte jaqsı «himiyalıq» baylanısımız bar. Aramızda himiyalıq reakciya jıldam jüredi. Oñtüstik pen Soltüstik Koreya basşıları 30 jıl boyı ter tökkende, men yadorlıq jarılıstardı dereu toqtattım. Rezonans tudı. Japoniya äli de tañqaluda» – degen bolatın. Sonday-aq Tramp Phen'yandağı mäseleniñ jöndi qarastırıluı üşin nätije kerektigin de eskertken.

"The Qazaq Times"