ترامپ پەن كيم چەن ىن سامميت وتكىزبەك

اقش پەن سولتۇستىك كورەيانىڭ ەكىنشى ءسامميتى ۆەتنام استاناسى حانويدا وتكىزىلمەك. بۇل تۋرالى «The Washington Post» حابارلادى.  

دونالد ترامپ پەن كيم چەن ىن قاۋىپسىزدىك ماسەلەلەرىن جانە كورەي تۇبەگىن يادرولىق قارۋدان ازات ەتۋ كەلىسىمىنىڭ ورىندالۋىن تالقىلايدى. ۋاشينگتون يادرولىق قارۋدان ارىلۋ ماسەلەسىندە ناقتى ناتيجە، جىلجۋ جوق دەگەن بولاتىن. بىراق، سولتۇستىك كورەيا باسشىسى كيم چەن ىن بۇل پىكىرمەن كەلىسپەيتىنىن ايتتى. تاراپتاردىڭ العاشقى ءسامميتى بىلتىر 12 ماۋسىمدا سينگاپۋردە وتكەن بولاتىن.

قازىرگى ۋاقىتتا اتالعان ماسەلە قۇراما شتاتتارىمەن قاتار وزگە دە مەملەكەتتەردى الاڭداتاتىنى راس. سول سەبەپتى اقش پرەزيدەنتى دونالد ترامپ يادرولىق قارۋدى دوعارۋ تۋرالى ۇسىنىس بىلدىرگەن. كيم چەن ىن وڭتۇستىك كورەيا ەلشىسىنەن وسى تاقىرىپقا قاتىستى سالەمدەمە جولدادى. ساياساتكەردىڭ ايتۋىنشا، پحۋنگەري پوليگونىندا دەمونتاج جۇرگىزىلگەننەن سوڭ مەملەكەتتە يادرولىق سىناق وتكىزىلمەيدى. كيم چەن ىننىڭ ويىنشا، الەم قاۋىمداستىعى وسى ۋاقىتقا دەيىنگى ناتيجەلى ارەكەتتەر مەن پحەنياننىڭ «باتىر» قادامىن مويىنداماي وتىر. ءوز سوزىندە ول اقش-پەن بايلانىستىڭ ەداۋىر جاقسارىپ، تۇبەكتەگى جاعدايلاردىڭ شەشىمىن تاباتىنىنا نىق سەنىمدى ەكەنىن بىلدىرگەن.

6 قىركۇيەكتە اق ءۇي باسشىسى دونالد ترامپ «Reutەrs» اگەنتتىگىنىڭ تىلشىلەرىنە بەرگەن سۇحباتىندا: «كيممەن وتە جاقسى «حيميالىق» بايلانىسىمىز بار. ارامىزدا حيميالىق رەاكتسيا جىلدام جۇرەدى. وڭتۇستىك پەن سولتۇستىك كورەيا باسشىلارى 30 جىل بويى تەر توككەندە، مەن يادورلىق جارىلىستاردى دەرەۋ توقتاتتىم. رەزونانس تۋدى. جاپونيا ءالى دە تاڭقالۋدا» – دەگەن بولاتىن. سونداي-اق ترامپ پحەنيانداعى ماسەلەنىڭ ءجوندى قاراستىرىلۋى ءۇشىن ناتيجە كەرەكتىگىن دە ەسكەرتكەن.

"The Qazaq Times"