Qazaqstan Qırğızstannıñ eki su qoymasına beyne kamera ornatudı wsınadı. Bwl jöninde parlamentte ötken otırısta Qırğızstannıñ auıl şaruaşılığı ministri Nurbek Muraşev mälimdegen.

Onıñ sözinşe, qazaqstandıq delegaciyamen köktemgi egindi suğaru mausımı jayında söylesken. Sol kezde qazaqstandıq tarap Orto-Tokoy men Kirov su qoymasına sudıñ kölemin baqılap otıru üşin, beynekameralar qoyudı wsınğan. Qırğız tarabı mwnday şartpen kelispeytinin jetkizgen. Osıdan keyin Qazaqstan qırğızdıñ birqatar auıl şarualışığı önimderin importtauğa tıyım salğan.

Auıl şaruaşılığı ministri Qazaqstannıñ talabın orındaudan bas tarttıq, sebebi bwl qwpiya aqparatqa jatadı dedi.

Qazaqstan 19 aqpannan bastap Qırğızstan jäne Özbekstannıñ birqatar önimderin elge kirgizuge tıyım salğan.

Qazaqstannıñ auıl şaruaşılığı ministrligi Qırğızstannan keletin alma, qwrmağa jäne Özbekstannan keletin şınarğa tıyım salatının mälimdegen. Aytuınşa, atalğan önimder sanitarlıq talaptarğa säykes kelmeydi.

"The Qazaq Times"