قازاقستان قىرعىزستاننىڭ ەكى سۋ قويماسىنا بەينە كامەرا ورناتۋدى ۇسىنادى. بۇل جونىندە پارلامەنتتە وتكەن وتىرىستا قىرعىزستاننىڭ اۋىل شارۋاشىلىعى ءمينيسترى نۋربەك مۋراشەۆ مالىمدەگەن.

ونىڭ سوزىنشە، قازاقستاندىق دەلەگاتسيامەن كوكتەمگى ەگىندى سۋعارۋ ماۋسىمى جايىندا سويلەسكەن. سول كەزدە قازاقستاندىق تاراپ ورتو-توكوي مەن كيروۆ سۋ قويماسىنا سۋدىڭ كولەمىن باقىلاپ وتىرۋ ءۇشىن، بەينەكامەرالار قويۋدى ۇسىنعان. قىرعىز تارابى مۇنداي شارتپەن كەلىسپەيتىنىن جەتكىزگەن. وسىدان كەيىن قازاقستان قىرعىزدىڭ بىرقاتار اۋىل شارۋالىشىعى ونىمدەرىن يمپورتتاۋعا تىيىم سالعان.

اۋىل شارۋاشىلىعى ءمينيسترى قازاقستاننىڭ تالابىن ورىنداۋدان باس تارتتىق، سەبەبى بۇل قۇپيا اقپاراتقا جاتادى دەدى.

قازاقستان 19 اقپاننان باستاپ قىرعىزستان جانە وزبەكستاننىڭ بىرقاتار ونىمدەرىن ەلگە كىرگىزۋگە تىيىم سالعان.

قازاقستاننىڭ اۋىل شارۋاشىلىعى مينيسترلىگى قىرعىزستاننان كەلەتىن الما، قۇرماعا جانە وزبەكستاننان كەلەتىن شىنارعا تىيىم سالاتىنىن مالىمدەگەن. ايتۋىنشا، اتالعان ونىمدەر سانيتارلىق تالاپتارعا سايكەس كەلمەيدى.

"The Qazaq Times"