Resey prezidenti Vladimir Putin AQŞ-pen aradağı zımıran kelisiminiñ eskirgendigin moyındadı.

«Iä, şın mäninde atalmış kelisimge qol qoyılğan 1987 jıldan beri älem özgerdi. Köptegen elder qaruın damıttı jäne bwnısın jalğastıruda. Al Resey men AQŞ öz-özderin kelisim boyınşa şektep keldi. Bwnday jağdaydan keyin, köptegen swraqtar tuındaydı. Biraq amerikalıq äriptesterimiz oydan şığarılğan Reseydi ayıptaular arqılı kelisimnen şıqqanşa, birden aytuları kerek edi. 2002 jıldağıday bolsa, ädil bolar edi. Zımıranğa qarsı qorğanıs kelisiminen ädil şıqtı ğoy» - dep mälimdedi Putin Federaldı jiında jasağan joldauında.

Esteriñizge salayıq, 1 aqpannan bastap AQŞ Reseymen aradağı qısqa jäne ortaşa qaşıqtıqtağı zımıran kelisimin 6 ayğa toqtatatının mälimdegen. Uaşington öziniñ bwnday qadamğa baruın 9M729 zımıranımen baylanıstırğan. Aq üy Mäskeuge atalmış zımırannıñ közin joyu kerektigin aytıp talap qoyğan. Biraq Resey tarapı AQŞ-tıñ bwl talabına jauap retinde zımıran kelisimin 6 ayğa toqtatatının aytqan.

"The Qazaq Times"