Photo: instagram.com/i.kar7

14 aqpanda Özbekstannıñ twñğış prezidenti Islam Karimovtıñ nemeresi, Londonda twratın Gülnara Karimovanıñ wlı üyqamaqtağı anasınıñ densaulığınıñ naşarlağanın ayttı. Onımen qosa tiisti medicinalıq kömektiñ körsetilmeytinin de mälimdedi.   

26 jasar Islam Karimov Özbekstan prezidenti Şavkat Mirzieevten anasına qatıstı jağdayğa nazar audarıp, kömektesuin swradı. Bwl turalı ol Instagram äleumettik jelisinde jazdı.

"Belgisiz sebeptermen anama qısım jasaluda, qan qısımı da köterilip ketken. Alayda, därigerlerge anama kömek beruge rwqsat berilmey otır. Bwğan deyin prokuratura men advokattar arasında kelisimder men şarttar jasaldı,  biraq bizdiñ isimizdiñ jay ğana jabılıp qaluı bireulerge wnamaytın sekildi. Sol sebepti qanday da bir küş bwl istiñ jabılmauın qalaydı. Meniñ balalıq şağımnan beri tanımal, atamnıñ izbasarı Şavkat Mirzieevti meni jäne meniñ äpkemdi tıñdaudı swraymın. Apama bwl künde anamnıñ janında, öytkeni onıñ jüregi naşarlap ketti. Biraq, därigerlerdi anamnıñ janına jibermeydi. Men äpkem men anamnıñ densaulığına alañdaulımın", - dep jazdı ol Instagram paraqşasına.

Alayda, Özbekstannıñ Bas prokuraturası eks-prezident nemeresiniñ şağımdarın negizsiz dep tanıdı. "Gülnara Kärimovanıñ därigerlerden kömek aluına eşqanday kedergi joq. Ol özi tañdağan mamandardıñ järdemin aluda. Oğan eşqanday da qısım jasalıp jatqan joq, sol sebepti onıñ wlınıñ ayıptauı negizsiz", delingen habarlamada.

"The Qazaq Times"