Photo: instagram.com/i.kar7

14 اقپاندا وزبەكستاننىڭ تۇڭعىش پرەزيدەنتى يسلام كاريموۆتىڭ نەمەرەسى، لوندوندا تۇراتىن گۇلنارا كاريموۆانىڭ ۇلى ۇيقاماقتاعى اناسىنىڭ دەنساۋلىعىنىڭ ناشارلاعانىن ايتتى. ونىمەن قوسا ءتيىستى مەديتسينالىق كومەكتىڭ كورسەتىلمەيتىنىن دە مالىمدەدى.   

26 جاسار يسلام كاريموۆ وزبەكستان پرەزيدەنتى شاۆكات ميرزيەەۆتەن اناسىنا قاتىستى جاعدايعا نازار اۋدارىپ، كومەكتەسۋىن سۇرادى. بۇل تۋرالى ول ينستاگرام الەۋمەتتىك جەلىسىندە جازدى.

"بەلگىسىز سەبەپتەرمەن اناما قىسىم جاسالۋدا، قان قىسىمى دا كوتەرىلىپ كەتكەن. الايدا، دارىگەرلەرگە اناما كومەك بەرۋگە رۇقسات بەرىلمەي وتىر. بۇعان دەيىن پروكۋراتۋرا مەن ادۆوكاتتار اراسىندا كەلىسىمدەر مەن شارتتار جاسالدى،  بىراق ءبىزدىڭ ءىسىمىزدىڭ جاي عانا جابىلىپ قالۋى بىرەۋلەرگە ۇنامايتىن سەكىلدى. سول سەبەپتى قانداي دا ءبىر كۇش بۇل ءىستىڭ جابىلماۋىن قالايدى. مەنىڭ بالالىق شاعىمنان بەرى تانىمال، اتامنىڭ ءىزباسارى شاۆكات ميرزيەەۆتى مەنى جانە مەنىڭ اپكەمدى تىڭداۋدى سۇرايمىن. اپاما بۇل كۇندە انامنىڭ جانىندا، ويتكەنى ونىڭ جۇرەگى ناشارلاپ كەتتى. بىراق، دارىگەرلەردى انامنىڭ جانىنا جىبەرمەيدى. مەن اپكەم مەن انامنىڭ دەنساۋلىعىنا الاڭداۋلىمىن", - دەپ جازدى ول ينستاگرام پاراقشاسىنا.

الايدا، وزبەكستاننىڭ باس پروكۋراتۋراسى ەكس-پرەزيدەنت نەمەرەسىنىڭ شاعىمدارىن نەگىزسىز دەپ تانىدى. "گۇلنارا كارىموۆانىڭ دارىگەرلەردەن كومەك الۋىنا ەشقانداي كەدەرگى جوق. ول ءوزى تاڭداعان مامانداردىڭ جاردەمىن الۋدا. وعان ەشقانداي دا قىسىم جاسالىپ جاتقان جوق، سول سەبەپتى ونىڭ ۇلىنىڭ ايىپتاۋى نەگىزسىز", دەلىنگەن حابارلامادا.

"The Qazaq Times"