Foto: RFE

Europalıq komissiya Wlıbritaniyadan EO-dan «Qol üzu aqısına» 600 mlrd euronı, 2023 jıldıñ soñına deyin töleudi ümit etedi. Anıqtay aytqanda, Wlıbritaniya 2019 jılı Europalıq Odaqtan qol üzgennen keyin, 4 jıl işinde töleui tiis. Onıñ özinde joğarı uağdalastıq kelissözderine tölenetin tölemnen keyin ğana Wlıbritaniyanıñ EO-dan qol üzuin naqtılauğa boladı dep habarlaydı britandıq Daily Telegraph.

Bwl şeşim Europalıq komissiyanıñ joğarı lauazımdıları 21 aqpanda ötkizgen talqısında belgili boldı. Şeşim Wlıbritaniyanıñ EO-dan qol üzui mäselesine jauaptı komissiya müşesi Mişel' Barnier jäne özgede joğarı lauazımdı keñesşiler aldında bekitilgen. Olardıñ körsetken esebi boyınşa Britaniyanıñ EO damuına 2014 jıldan 2020 deyin töleuge tiisti soması 600 mlrd euronı qwrğan.

Wlıbritaniya EO-dan qol üzgennen keyin, Europanıñ «tesik qaltasınan» ağılatın, 100 mlrd eurolıq jıldıq şığın Germaniya, Franciya sekildi auqattı elderdiñ moynına artıladı. Pol'şa, Majarstan qatarlı ekonomikası birşama älsiz elderge bwl şığın köp salmaq salmaydı. Al Wlıbritaniyanıñ «qol üzu aqısı» osı qarjılıq qısımdı jeñildetedi dep otır Europalıq komissiya müşeleri.

Bwl retki kezdesu barısında, Germaniya men Franciya neğwrlım qatañ közqaras wstandı jäne Europalıq eldermen pikir ayırmaşılığın saqtadı. Onıñ da özindik sebebi bar. Wlıbritaniya EO-dan şığıp ketkennen keyin «ortaq ögizdiñ» bar auırtpalığı osı elderde qalmaq. Germaniya men Franciya ağılşın korol'diginiñ odaqtan şığuına qarsı bolğanımen, «qol üzu aqısın» töleuine ümitker bolıp otır. Bwl retki talqı, jalpı Wlıbritaniyanıñ EO-dağı ülesi esepteu, odaqtan şıqqannan keyingi tölem töleu isteri qaraldı. Nemis pen francuz ağılşınnıñ EO-dan qol üzu kelisimenen bas tartuınan ümitker. AQŞ jaña prezidentiniñ sayasatı EO twtastığına tipti de zor qater alıp kele jatır. Qazir, EO-ğa müşe elder odaqtıñ  jalğastı ıdırauınan qauiptenedi.

Europa Odağınıñ qajetsiz auırtpalığınan qajıp, odaqtan qol üzgen Wlıbritaniyanıñ moynına 600 milliard euro qarız ilip attandırğan EO-nıñ jalğastı ıdırauı da äbden mümkin. Şet auıl köşip, ortañğı auıl şet boldı. Wlıbritaniya odaqtan ketken soñ, bar salmaq Franciya men Germaniyağa kelip tüsedi. Osıdan biraz jıl bwrın  irge keñeytu, ekonomikalıq ösim, jahandanu procesinde köş bastağan odaqtıñ endigi küyi bügingidey. Halıqaralıq kez kelgen ıntımaqtastıq, odaqtardıñ da jekelegen elderge wqsas damu, örkendeuden keyin qwldırau kezeñi bolatını anıq. Müddemizge say keletin-kelmeytin odaqtarğa, ırıqtı-ırıqsız kirip otırğan Qazaqstanğa Batıstıñ barşın tartqan birligi ülken sabaq boladı.

“The Qazaq Times”