Foto: express.co.uk

Auğanstandıq «Taliban» qozğalısınıñ müşeleri Reseydegi ımıralastıq kelissözge qatıstı. Bwl turalı resmi Reuters agenttigi mälimdedi.

Kelissözde «Taliban» radikaldı qozğalısı wyımınıñ ökili Şer Mohammed Abbas Stanikzay özderine salınğan sankciyalardı alıp tastau turalı wsınıs bildirgen. Delegaciya basşısınıñ aytuınşa, sankciyalıq şekteu qozğalıs wyımına beybit kelssözderge qatısu üşin kedergi keltiredi.
Kreml' wyımdastırğan basqosuğa jalpı sanı on eki eldiñ müşeleri qatısadı dep josparlanğan. Olardıñ qatarında Qıtay, Iran, Özbekstan, Täjikstan men «Taliban» ökilderi bar. Al AQŞ Reseydi «sodırlarğa zañsız türde qaru-jaraq jetkizedi» dep sınğa aldı. Sol sebepti Qwrama Ştattarı men Auğanstan ükimeti bwl jiınğa qatısudan tübegeyli bas tarttı.

Osığan deyin CNN arnası reseylik Kalaşnikov, snayperlik vintovkalarmen qarulanğan «Taliban» qozğalısınıñ sodırları beynelengen beynerolik pen foto körsetken bolatın. Al NATO, AQŞ jäne Euroodaq elderiniñ birikken äskeri küşteriniñ basşısı Kertis Skaparotti Reseydi «Taliban» qozğalısın qoldap otır dep ayıptağan edi. Bwdan bölek «The Times» basılımı Resey Özbekstan arqılı Auğanstandağı «Taliban» qozğalısına tegin mwnay jetkizip otırğanın, al qozğalıs müşeleri öz kezeginde mwnaydı satu arqılı ayına 2,5 million dollar köleminde payda tapqanın jazdı.

Ayta keteyik, BWW-nıñ Qauipsizdik keñesi men Resey Joğarı sotı atalğan wyımdı terrorlıq top dep tanığanmen, beybit şarağa şaqırtu bergen. Şeteldik jäne orıstildi BAQ Reseydiñ bwl qadamın «terrorlıq toptardı qoldauşı» dep bağaladı.

"The Qazaq Times"