Jon Ketli. Foto: AAMAQ NEWS AGENCY/AFP/GETTY/BBC

Britaniyanıñ İşki ister ministrligi jasağan mälimdemede, 6 jıl bwrın özderin «Islam memleketi» dep atağan terrorlıq wyım jağınan barımtalanğan britandıq jurnalist tiri boluı mümkin dep habarlandı. Bwnday mälimdemeni Britaniya işki ister ministriniñ orınbasarı Ben Uolles jasağan boladı.

2012 jılı Süriyada tilşilik saparmen jürgen britandıq foto tilşi Jon Ketli terrorlıq top jağınan barımtalanğan. Keyin «Erkin Süriya armiyasınıñ» kömeginde qarulılardıñ qolınan bir ret qaşıp şağadı, alayda, sol jıldıñ soñında Süriyağa ekinşi ret jasağan saparında qaytalay twtqınğa tüsken. 4 jıldan keyin «Islam memleketi» wyımı  Ketlidi tüsirgen videonı internetke jariyalağan. Videoda ol özin «Islam memleketi» wyımnıñ qolındağı soñğı twtqın ekenin aytqan.

Onıñ tiri ekendigi turalı habar Batıs elderine tosın jañalıq boldı. 2017 jılı Irak armiyası Mosul qalasın qaytarıp alğannan keyin, jurnalist Ketlidiñ qaza tapqanı turalı habar tarağan.

Franciyanıñ Paris Match attı basılımı jurnalist Ketlidiñ tiri ekeni turalı alğaş mälimet tarattı. Atalğan basılım bwl mälimette «IM» tobınıñ müşesinen alğan. Qarulı toptıñ atı-jönin bildirgisi kelmegen bir müşesi osıdan 7-8 ay bwrın britandıq jurnalisti körgenin, onıñ «Islam memleketi» wyımına qızmet istep jürgenin aytqan.

Onıñ tiri ekeni turalı habardı biıl jıl basında Süriyadağı oppoziciya küşteri de aytqan. Olar jurnalist Ketli Süriyanıñ oñtüstik-şığısındağı Hajin qalasında jürgen boluı mümkin dep boljağan.

Osı aqparattardan keyin Jon Ketlidiñ tiri boluı mümkin ekenin Britaniyanıñ İİM-i de resmi habarladı. Batıs aqparat qwraldarın osığan deyin jurnalistiñ terrorlıq topta qanday jwmıs atqarğanın, eger onı Britaniyağa qaytarğan jağdayda «Islam memleketi» wyımnıñ jwrtqa beymälim sırları aşıluı mümkin degen mäseleler köbirek qızıqtıruda.

“The Qazaq Times”