Europalıq Odaq Kerş bwğazında orın alğan jağdayğa baylanıstı Reseyge qarsı sankciya engizu talqılaydı. Bwl turalı Euroodaqtıñ aqparat közine silteme jasap, 20minutes.fr agenttigi habarladı.

Aqpanda osı mäselege qatıstı odaq qwramındağı elder sankciyalıq şara ayasında jaña tizimder jasaydı. Resmi saytta aytılğanday, Kerş bwğazında bolğan jağday Ukrainanıñ täuelsizdigi men egemendigine, aymaqtıq twtastığına qauip töndiredi. Osı rette Europa Odağınıñ uaqıtşa törağa qızmetin atqaruşı, Austriya sırtqı ister ministri Karin Knaysl' jeltoqsanda ötetin sammitte odaq elderiniñ basşıları Azovta Ukrainanıñ üş äskeri kemesin ekipajımen qosa basıp alğanı üşin Reseyge salınğan sankciyalardı qatañdatu mäselesin qarastıratının mälimdedi. Bwl wsınısqa Estoniya, Pol'şa qoldau bildirse, Germaniya men Franciya qarsı şıqtı. Eki el ökilderi Ukraina men Resey arasındağı dostıq qatınasın küşeytu kerektigin jäne sankciyanıñ bwğan say kelmeytinin aytqan. Biraq, EO basşılığı osı uaqıtqa deyin orın alğan jayttardan keyin odaq qwramındağı elder Mäskeuge qarsı salınatın sankciyalıq rejimdi bir auızdan qoldauı tiis deydi. Ayta keter jayt, eger sankciya engizu turalı şeşim maqwldansa, jaña sankciyalıq tizimge Mäskeu men Kiev teketiresine qatısı bar adamdar iligedi.

Bwğan deyin Mäskeu men Kiev teketiresine qatıstı BWW Qauipsizdik keñesiniñ otırısında AQŞ-tıñ twraqtı ökili Nikki Heyli Reseydiñ kezekti agressiyalıq äreketin «qauipti eskalaciya jäne halıqaralıq qwqıqtıñ bwzıluı» dep sınğa alğan. Al memlekettik hatşı Mayk Pompeo: «AQŞ Reseydiñ agressivti äreketterin ayıptaydı. Ukrainağa kemelerdi qaytarıp, wstalğan ekipaj müşelerin bosatudı, Ukrainanıñ egemendigi men onıñ aumaqtıq twtastığın qwrmetteudi Reseyden talap etemiz», – dep mälimdedi.

Eske sala keteyik, 25 qaraşada Resey arnayı jasağı Azov teñizinde Ukraina äskeri teñiz küşterine tiesili üş birdey kemege şabuıl jasap, basıp alğan bolatın. Osıdan keyin Ukraina qauipsizdik keñesiniñ kezekten tıs otırısı ötip, el prezidenti Petr Poroşenko soğıs jağdayın engizgen. Eki el arasındağı teketires NATO men EO elderin jäne AQŞ-tı bey-jay qaldırğan joq. NATO Reseyden Ukrainanıñ aumaqtıq twtastığına qwrmetpen qaraudı talap etse, Uaşington Mäskeudi «agressiyalıq bağıttağı memleket» dep ayıptadı.

"The Qazaq Times"