foto: pikabu.ru

Özbekstan ID-kartanı engizuge dayın emes ekendikterine köz jetkizip, tölqwjattardı auıstıru merzimin 2021-şi jılğa deyin şegerdi. Bwl turalı Podrobno.uz habarlap otır.

2018 jıldıñ säuir ayında Özbekstan basşısı Şavkat Mirzieev 1 qaraşadan bastap Taşkent qalasında ID-kartanı pilottıq rejimde iske qosudı talap etken bolatın. Alayda, Özbekstannıñ migraciyalıq jäne azamattıqtı räsimdeu basqarmasınıñ basşısı Wlıqbek Taşhodjaev atalğan jüyeni tek, 2019 jıldıñ qañtar nemese şilde aylarında engizuleri mümkin ekendikterin mälimdegen. Biraq, prezidenttiñ talabın orındau üşin bwl merzim de jetkiliksiz ekengine köz jetkizip, onı keyinge şegerdi.

Qazirgi tañda Özbek azamattarı şetelge şığu tölqwjatın alu üşin birtalay esikti aşıp, qağazben soğıs jürgizip keledi. Bolaşaqta ID-kartanı iske qosıp byurokratiyanıñ belgili bir böliginen bas tartamız dep otır. Alayda, mwnıñ naqtı qay uaqıtta engiziletindigi jwmbaq küyinde. Biraq, Özbekstannıñ bilik basşıları 2021-şi jıldan bastap qoldanısta bolatındığına uäde berude.

Sol sekildi jaña tölqwjattar şet eldegi Özbekstan azamattarına da qol jetimdi bolmaq. Qazirgi tañda ärbir şet eldegi elşilikterimen baylanısqa şığıp, qwjattardı qalay almastıratındığın taldau üstinde. Sebebi, özbek biligindegiler ärbir azamat turalı aqparattı ğalamtor arqılı tasmaldap, qwjattardı ğalamtor arqılı jiberu, köşirme tölqwjattardıñ köp boluına äkelip soğuına alañdap otır.

Esteriñizge sala keteyik, Qazaqstan da atalğan ID-kartanı qwjattarğa engizgen bolatın. Wzaq jıldan beri tölqwjat janında ornalasqan çip işinde eşqanday aqparat saqtalmağanımen, endi-endi öz jwmısın bastağan sıñaylı. Sonımen birge arnayı çipter kölik jürgizu qwjatına da engizilgen.

"The Qazaq Times"