فوتو: pikabu.ru

وزبەكستان ID-كارتانى ەنگىزۋگە دايىن ەمەس ەكەندىكتەرىنە كوز جەتكىزىپ، تولقۇجاتتاردى اۋىستىرۋ مەرزىمىن 2021-ءشى جىلعا دەيىن شەگەردى. بۇل تۋرالى Podrobno.uz حابارلاپ وتىر.

2018 جىلدىڭ ءساۋىر ايىندا وزبەكستان باسشىسى شاۆكات ميرزيەەۆ 1 قاراشادان باستاپ تاشكەنت قالاسىندا ID-كارتانى پيلوتتىق رەجيمدە ىسكە قوسۋدى تالاپ ەتكەن بولاتىن. الايدا، وزبەكستاننىڭ ميگراتسيالىق جانە ازاماتتىقتى راسىمدەۋ باسقارماسىنىڭ باسشىسى ۇلىقبەك تاشحودجاەۆ اتالعان جۇيەنى تەك، 2019 جىلدىڭ قاڭتار نەمەسە شىلدە ايلارىندا ەنگىزۋلەرى مۇمكىن ەكەندىكتەرىن مالىمدەگەن. بىراق، پرەزيدەنتتىڭ تالابىن ورىنداۋ ءۇشىن بۇل مەرزىم دە جەتكىلىكسىز ەكەنگىنە كوز جەتكىزىپ، ونى كەيىنگە شەگەردى.

قازىرگى تاڭدا وزبەك ازاماتتارى شەتەلگە شىعۋ تولقۇجاتىن الۋ ءۇشىن ءبىرتالاي ەسىكتى اشىپ، قاعازبەن سوعىس جۇرگىزىپ كەلەدى. بولاشاقتا ID-كارتانى ىسكە قوسىپ بيۋروكراتيانىڭ بەلگىلى ءبىر بولىگىنەن باس تارتامىز دەپ وتىر. الايدا، مۇنىڭ ناقتى قاي ۋاقىتتا ەنگىزىلەتىندىگى جۇمباق كۇيىندە. بىراق، وزبەكستاننىڭ بيلىك باسشىلارى 2021-ءشى جىلدان باستاپ قولدانىستا بولاتىندىعىنا ۋادە بەرۋدە.

سول سەكىلدى جاڭا تولقۇجاتتار شەت ەلدەگى وزبەكستان ازاماتتارىنا دا قول جەتىمدى بولماق. قازىرگى تاڭدا ءاربىر شەت ەلدەگى ەلشىلىكتەرىمەن بايلانىسقا شىعىپ، قۇجاتتاردى قالاي الماستىراتىندىعىن تالداۋ ۇستىندە. سەبەبى، وزبەك بيلىگىندەگىلەر ءاربىر ازامات تۋرالى اقپاراتتى عالامتور ارقىلى تاسمالداپ، قۇجاتتاردى عالامتور ارقىلى جىبەرۋ، كوشىرمە تولقۇجاتتاردىڭ كوپ بولۋىنا اكەلىپ سوعۋىنا الاڭداپ وتىر.

ەستەرىڭىزگە سالا كەتەيىك، قازاقستان دا اتالعان ID-كارتانى قۇجاتتارعا ەنگىزگەن بولاتىن. ۇزاق جىلدان بەرى تولقۇجات جانىندا ورنالاسقان چيپ ىشىندە ەشقانداي اقپارات ساقتالماعانىمەن، ەندى-ەندى ءوز جۇمىسىن باستاعان سىڭايلى. سونىمەن بىرگە ارنايى چيپتەر كولىك جۇرگىزۋ قۇجاتىنا دا ەنگىزىلگەن.

"The Qazaq Times"