AQŞ pen Oñtüstik Koreyanıñ birlesken äskeri jattığuı. Foto: imagui.eu.

AQŞ pen Oñtüstik Koreya qorğanıs ministrleri telefon arqılı söylesip, eki eldiñ küşti odaqtastığın jalğastı saqtauğa kelisken. Söylesude qorğanıs ministrler birlese äreket etuge dayın bolıp, Korey tübegindegi yadrolıq qarusızdanu isi men beybitşilik ornatudağı diplomatiyalıq qwlşınısqa qoldau körsetuge kelisim bergen.

Oñtüstik Koreyanıñ Qorğanıs ministrligi bügin tüsken bwrın jariyalağan mälimdemesinde atalğan habardı rastap: «Qorğanıs ministri Joñ Kioñ-do men AQŞ qorğanıs ministriniñ qızmetin atqaruşı Patrik Şanahan Oñtüstik Koreya men AQŞ qanday da bir özgeris orın alğan jağdayda odaqtastıq pen birlesken qorğanıs mümkindikterin saqtap qaluğa kelisti», – dep mälimdegen. Sonday-aq, söylesu ministrler bir-birine jılı lebiz tanıtqanın basa aytadı.

Patrik Şanahan 1 qañtardan bastap Pentagon tizginin qolğa aldı.  Ol alğaş ret ötkizgen joğarı deñgeydegi kezdesude Wlttıq qorğanıs strategiyasın jüzege asırudı jalğastıruğa uäde bergen. Qazirgi Qwrama Ştattıñ Wlttıq qorğanıs strategiyası – Resey men Qıtaydı bastı qarsılas retinde qarastıru; AQŞ äskeri qızmetkerleriniñ ölim-jitimin azaytu; Qauipterge qarsı qorğanıs odağın küşeytu.

2017 jılı 1 qañtarda AQŞ prezidenti retinde bilik wstağan Tramp birneşe ret qorğanıs odaqtastarın şığındardı layıqtı bölispegenin sınğa alğan edi. Bwl odaqtastarınıñ arasında NATO müşeleri men Aziya-Tınıq mwhit aymağındağı Japoniya, Oñtüstik Koreya qatarlı serikteri de bar.

Şın mänisinde,  Jeyms Mettis däl osı mäseledegi közqarası Tramppen birdey bolmağandıqtan qızmetten ketken bolatın.  Ol Tramptıñ bwl ayıptauları AQŞ pen onıñ odaqtastarı arasındağı senimge nwqsan keltirip, wlttıq qorğanıs strategiyasın jüzege asıru qabiletin älsiretedi dep sanağan. Mettis prezidentke öz doğarısın (otstavkasın) talap etken hatında da bwl mäseleni aşalap aytıp, kelesi Pentagon basşısınıñ bwl jağında prezidentpen oyı ortaq adam boluın eskertedi.

“The Qazaq Times”